قومی کرکٹرشعیب ملک اور پاکستانی اداکارہ ثناء جاوید کی اچانک شادی کے اعلان نے سوشل میڈیا کو گرما رکھا ہے۔ کرکٹر کے اس غیرمتوقع اقدام پرمختلف آراء سامنے آرہی ہیں۔

انسٹاگرام پرثناء جاوید کو اپنا ہمسفربنانے والے شعیب ملک کو اس حوالے سے تنقید کابھی سامنا ہے جبکہ ان کی سابقہ اہلیہ ثانیہ اور ثناء جاوید کے سابق شوہرعمیرجسوال کے ردعمل کو سراہا جارہا ہے۔

اداکارہ حمزہ علی عباسی نے اپنی انسٹا اسٹوری پر گلوکار عمیر جسوال کے ساتھ ایک تصویر شیئر کی جس میں دونوں کو جم میں ورزش کرتے ہوئے دیکھا جاسکتا ہے۔

حمزہ علی عباسی نے کیپشن میں لکھا کہ ’کچھ لطیفے کبھی پرانے نہیں ہوتے، عمیر جسوال کے ساتھ رات دیر تک جم‘۔

کامیڈی اداکار احمد علی بٹ نے بھی اپنی انسٹا اسٹوری پردوست و گلوکار عمیر جسوال کی حمایت کی۔

انہوں نے عمیر جسوال کی ان حالات میں خاموش رہنے کی جرات کو سراہتے ہوئے انہیں شیر قرار دیا۔

یاد رہے کہ گزشتہ دنوں ثنا جاوید نے قومی کرکٹ ٹیم کے سابق کپتان اور آل راؤنڈر شعیب ملک کے ساتھ اپنی دوسری شادی کا اعلان کیا تھا۔ اس خبر کو میڈیا پر خاصی کوریج دی گئی۔ اور یہ سلسلہ تاحال جاری ہے۔