ایشین کرکٹ کونسل (اے سی سی) کے اجلاس میں شرکت کے لیے پاکستان کرکٹ بورڈ (پی سی بی) کے قائم مقام چئیرمین شاہ خاور کل انڈونیشیا روانہ ہوں گے۔
ایشین کرکٹ کونسل کا سالانہ اجلاس انڈونیشیا میں ہوگا، جس میں تمام فل اور ایسوسی ایٹس ممالک کے نمائندے شریک ہوں گے۔
پاکستان کی نمائندگی پی سی بی کے قائم مقام چئیرمین شاہ خاور کریں گے، سی او او پاکستان کرکٹ بورڈ سلمان نصیر بھی ان کے ہمراہ ہوں گے۔
اجلاس میں آئندہ ایشیا کپ کی میزبانی، کرکٹ ڈیویلپمینٹ سمیت دیگر اہم امور سے متعلق فیصلے کیے جائیں گے۔
