پاکستان پیپلزپارٹی کے رہنما سعید غنی نے کہا ہے کہ کراچی میں فسادات کسی کے مفاد میں نہیں، مخالفین الیکشن میں شکست کے خوف سے ایسی حرکتیں کررہے ہیں، پیپلزپارٹی کسی صورت لڑائی نہیں چاہتی، شہر کا امن و امان خراب کرنے کا حق کسی کو نہیں، ناظم آباد واقعے کا درست طریقے سے ایکشن نہیں لیا گیا، ایسے واقعات کو نہ روکا گیا تو بڑا نقصان ہوسکتا ہے۔
کراچی میںپریس کانفرنس کرتے ہوئے سابق صوبائی وزیر سعید غنی نے کہا کہ ناطم آباد واقعے کی عدالتی انکوائری کا مطالبہ کیا تھا، کل کے واقعے پر جلسہ انتطامیہ نے پولیس کو 4 فون کیے، پولیس بروقت کارروائی کرلیتی تو ناخوشگوار واقعہ پیش نہ آتا، ایسے واقعات کو نہ روکا گیا تو بڑا نقصان ہوسکتا ہے۔
سعید غنی نے کہا کہ واقعے کی سی سی ٹی وی فوٹیج بھی ہیں، اس واقعے میں ہمارے 3 کارکن زخمی ہوئے، نیو کراچی میں فائرنگ میں ایک بچہ جاں بحق ہوا۔
پیپلز پارٹی کے رہنما کا کہنا تھا کہ کراچی میں فسادات کسی کے مفاد میں نہیں، فسادات شہر اور ملک کے مفاد میں نہیں، رینجرز اور پولیس کی قربانیوں سے امن قائم ہوا، مخالفین الیکشن میں شکست کے خوف سے ایسی حرکتیں کررہے ہیں۔
انہوں نے مزید کہا کہ کراچی کے شہریوں کو ہراساں کرنے کی کوشش کی جارہی ہے، کراچی کا ماضی انتہائی خوف ناک ہے، پیپلزپارٹی کسی صورت لڑائی نہیں چاہتی، شہر کا امن و امان خراب کرنے کا حق کسی کو نہیں۔
ناظم آباد واقعے کا درست طریقے سے ایکشن نہیں لیا گیا، ایسے واقعات کو نہ روکا گیا تو بڑا نقصان ہوسکتا ہے۔
