عام انتخابات کیلئے عوامی نیشنل پارٹی اور قومی وطن پارٹی نے چارسدہ کی دو قومی اسمبلی کی نشستوں پر انتخابی اتحاد کا اعلان کردیا۔

چارسدہ میں مشترکہ پریس کانفرنس میں سربراہ قومی وطن پارٹی آفتاب احمد خان شیر پاؤ اور ایمل ولی خان نے این اے 24 اور این اے 25 پر ایک ساتھ چلنے کا اعلان کیا۔

انھوں نے کہا کہ این اے 24 پر اے این پی کے نامزد امیدوار عرفان عالم، آفتاب احمد خان شیر پاؤ کے حق میں دستبردار ہوگئے جب کہ این اے 25 پر کیو ڈبلیو پی کے نامزد امیدوار قیصر جمال، اے این پی کے صوبائی صدر ایمل ولی خان کے حق میں دستبردار ہوگئے۔