پاکستان تحریک انصاف کے حمایت یافتہ آزاد امیدوار شیر افضل خان مروت لکی مروت کے حلقہ این اے 41 سے کامیاب ہوگئے۔

عام انتخابات میں گزشتہ روز پولنگ کا عمل مکمل ہونے کے بعد نتائج کی آمد کا سلسلہ جاری ہے جس میں قومی اسمبلی کے حلقے این اے 41 لکی مروت کا نتیجہ سامنے آگیا ہے۔

حلقہ این اے 41 لکی مروت کے تمام 409 پولنگ اسٹیشنز کے غیر حتمی غیر سرکاری نتیجے کے مطابق آزاد امیدوار شیر افضل خان مروت 117395 ووٹ لے کر کامیاب ہوئے۔

الیکشن میں درجن کے قریب اپ سیٹ- بڑے نام ہار گئے

جبکہ جے یو آئی کے اسجد محمود 68303 ووٹ حاصل کرکے دوسرے نمبر پر اور آزاد پینل مروت قومی اتحاد کے سلیم سیف اللہ خان 46070 ووٹ کے ساتھ تیسرے نمبر رہے۔