پاکستان تحریک انصاف کے رہنما علی امین گنڈاپور نے مولانا فضل الرحمان کو پاگل قرار دے دیا، ساتھ ہی علی امین گنڈاپور نے ریٹرننگ افسران کے نام وال آف شیم پر لگانے کا اعلان کر دیا ہے۔

سوشل میڈیا پر پاکستان تحریک انصاف کی جانب سے وزیر اعلیٰ خیبرپختونخوا کے لیے نامزد رہنما علی امین گنڈا کی ویڈیو وائرل ہے، جس میں وہ ایک کارکن سے محو گفتگو ہیں۔

کارکن کی جانب سے تجویز دی گئی کہ دھاندلی میں ملوث ریٹرننگ افسران کی تصاویر وال آف شیم پر لگا دیتے ہیں۔

جس پر علی امین گنڈا پور کا کہنا تھا کہ ریٹرننگ افسران کو پہلے یہاں سے نکال دیں پھر وال آف شیم پر تصاویر لگائیں گے۔

دوسری جانب پی ٹی آئی کے کارکن نے ساتھ ہی جے یو آئی ایف کے سربراہ مولانا فضل الرحمان کا بھی تذکرہ کر دیا۔

کارکن کا کہنا تھا کہ مولانا صاحب آج کل خفا ہیں۔

جس پر علی امین گنڈا پور کا کہنا تھا کہ مولانا فضل الرحمان پاگل ہو گیا ہے، پاگل خانے ڈالیں گے۔