معروف پاکستانی اداکارہ ماورا حسین نے اپنی شادی سے متعلق مداحوں کو دلچسپ خبر دی ہے، ساتھ ہی اداکارہ نے ’مایوں کی تقریب‘ کی ایک تصویر بھی شئیر کی ہے۔

حال ہی میں اداکارہ ماورا حسین کی جانب سے اپنے انسٹاگرام اکاؤنٹ پر ایک تصویر اپلوڈ کی گئی ہے، جس میں اداکارہ مایوں کی تقریب میں موجود تھیں۔

اس موقع پر اداکارہ کا کہنا تھا کہ نہیں! یہ میری شادی نہیں ہے، نہ ہی اگلے ہفتے، نہ ہی اگلے ماہ اور نہ ہی اگلے سال۔

اداکارہ ماروا حسین کا مزید کہنا تھا کہ اگر گپ شپ ہو گئی ہو تو یہ میرے ایک پراجیکٹ کا BTS یعنی Behind The Scene ہے۔

اداکارہ کی جانب سے واضح کیا گیا ہے کہ یہ کوئی شادی تقریب میں نہیں ہیں، بلکہ ایک پراجیکٹ میں موجود ہیں، جہاں انہوں نے BTS شئیر کیا۔

بھارتی فلم میں بھی اپنی اداکاری کے جوہر دکھانے والی اداکارہ ماورا حسین سوشل میڈیا پر فعال دکھائی دیتی ہیں، جبکہ وہ ان دنوں ایک پراجیکٹ کی شوٹنگ میں بھی مصروف ہیں۔