پاکستان کے نامور سابق کھلاڑی اظہر علی کو میزبان فخر عالم نے گرفتار کر لیا ہے۔

اپنے انسٹاگرام اکاؤنٹ پر فخر عالم نے ایک ویڈیو اپلوڈ کی ہے، جس میں فخر عالم نے اظہر علی کو گرفتار کیا۔

ویڈیو میں دیکھا جا سکتا ہے کہ فخر عالم پولیس یونیفارم پہنے ہوئے ہیں جبکہ چہرے پر سیاہ چشمہ لگایا ہوا ہے۔

فخر عالم نے مکمل طور پر پاکستانی پولیس کا یونیفارم زیب تن کیا ہوا ہے۔ تاہم دوسری جانب اظہر علی کو ملزمان والے کپڑے پہنے دیکھا جا سکتا ہے۔

اس موقع پر اظہر علی کا کہنا تھا کہ قسم سے فخر بھائی نے میرا چشمہ لیا ہے، جس پر فخر عالم نے کہا کہ تجھے ڈرائینگ روم کی سیر کراتا ہوں، ساتھ ہی میزبان نے کہا کہ ابھی تو تیری گھڑی بھی لوں گا۔

ساتھ ہی فخر عالم نے اپنی ایک تصویر بھی اپلوڈ کی ہے، جس میں وہ پولیس یونیفارم میں نظر آ رہے ہیں۔

انہوں نے لکھا کہ گھر میں نیا تھانیدار آ چکا ہے۔ قانون توڑو اور میں تمہیں انصاف کے کٹہرے میں لاؤں گا۔