وزیراعظم شہباز شریف نے تمام سرکاری تقریبات میں پروٹوکول کے لیے بچھائے گئے سرخ قالین پر پابندی عائد کردی۔

وزیراعظم شہباز شریف نے سرکاری تقریبات میں سرخ قالین کے استعمال پر برہمی کا اظہار کیا ہے۔

وزیراعظم نے تمام سرکاری تقریبات میں پروٹوکول کے لیے بچھائے گئے سرخ قالین پر پابندی عائد کر دی، جس کا نوٹیفکیشن بھی جاری کردیا گیا۔

نوٹیفکیشن کے مطابق آئندہ وفاقی وزراء اور حکومتی شخصیات کے لیے ریڈ کارپٹ استعمال نہیں ہوگا۔

صرف سفارتی تقریبات میں پروٹوکول کے سرخ قالین کے استعمال کی اجازت ہوگی، وفاقی وزراء کے استقبال اور دیگر سرکاری تقریبات میں ریڈ کارپٹ استعمال پر پابندی ہوگی۔