کندھ کوٹ میں ڈاکوؤں نے پارکو کمپنی کے ملازمین کی گاڑی پر فائرنگ کی جس سے دو سکیورٹی ملازم زخمی ہوگئے۔ ڈاکوؤں نے لوٹ مار بھی کی۔

پارکو کمپنی کی گاڑی پر فائرنگ کا واقعہ انڈس ہائی وے دڑی کے مقام پر پیش آیا۔

ڈاکوؤں کی فائرنگ سے زخمی ہونے والوں میں اعجاز احمد اور غفار علی شامل ہیں۔

ڈاکو، پارکو ملازمین سے لوٹ مار کرکے با آسانی فرار ہوگئے۔

واقعے کی اطلاع پر پولیس کی بھاری نفری موقع پر پہنچی ، زخمی ملازمین کو اسپتال منتقل کیا۔