لاہور کے سرکاری ہسپتالوں اور میڈیکل اسٹورز پر ادویات کی قلت کا سلسلہ بدستور جاری ہے۔ سانس، شوگر دل، دماغ اور بلڈ پریشر کی دوائیوں کے لیے مریضوں کو مختلف اسٹورز کے چکر لگانے پڑ رہے ہیں۔

آئے دن ادویات کی قیمتوں میں اضافے کے باعث شہریوں کی مشکلات بڑھتی جارہی ہیں۔ شہری کہتے ہیں ادویات نہ تو ہسپتالوں سے مل رہی ہیں اور نا ہی میڈیکل اسٹورز پر موجود ہیں۔

ادویات کی قلت اور مہنگائی کے سبب میڈیکل اسٹورز والے بھی پریشان دکھائی دیتے ہیں، جن کا کہنا ہے کہ ادویات کی شارٹیج کے باعث قیمتوں میں اضافہ ہو رہا ہے۔

فارماسیوٹیکل کمپنیز کا کہنا ہے کہ ایل سیز نہ کھلنے کے باعث خام مال مہنگے داموں خریدنا پڑ رہا ہے جس کے باعث ادویات کی قیمتوں میں اضافہ ہو رہا ہے۔