کراچی میں چیف جسٹس آف پاکستان قاضی فائز عیسیٰ نے مزار قائد پر حاضری دی ہے۔

چیف جسٹس قاضی فائز عیسی کے ہمراہ ان کی اہلیہ سرینا عیسی بھی موجود تھیں۔

چیف جسٹس نے بابائے قوم کی قبر پر پھول چڑھائے اور فاتحہ خوانی کی۔ مہمانوں کی کتاب میں تاثرات بھی قلم بند کیے۔

یاد رہے کہ چیف جسٹس حالیہ دنوں میں سپریم کورٹ کراچی رجسٹری میں کیسز کی سماعت کررہے ہیں۔

سپریم کورٹ کراچی رجسٹری میں 22 سے 26 اپریل تک 49 کیسز سماعت کے لیے مقرر کئے گئے تھے۔

چیف جسٹس پاکستان جسٹس قاضی فائزعیسیٰ نے پانچ دنوں میں 46 کیسز نمٹا دیے۔