وزیراعظم شہباز شریف نے بجلی صارفین کے بِلوں میں مصنوعی طور پر اضافی یونٹ شامل کرنے والے افسران و اہلکاروں کے خلاف کارروائی کا حکم دیا ہے۔

شہباز شریف کا کہنا ہے کہ ایسے عوام کے دشمن افسران و اہلکاروں کو معطل کر کے سخت کارروائی عمل میں لائی جائے۔

وزیراعظم شہباز نے ایسے افسران و اہلکاروں کی نشاندہی کیلئے ایف آئی اے کو تحقیقات کی ہدایت کردی ہے۔

واضح رہے کہ ملک کے مختلف علاقوں میں صارفین کے بلوں میں اضافی یونٹس شامل کرنے کی شکایات سامنے آئی تھیں جس کے نتیجے میں ان صارفین کے سلیب تبدیل ہوگئے اور ان کے بلوں میں بھاری اضافہ ہوگیا۔