لاہور میں ٹرانسفارمر میں خرابی کے باعث گوشت مارکیٹ کی 40 گھنٹے سے بجلی بند ہے۔ جس پر علاقہ مکینوں نے بوہڑ والاچوک بلاک کرکے احتجاج کیا۔

گوشت مارکیٹ سمیت ریلوے فلیٹس نکلسن روڈ کی بھی بجلی بند ہے۔

بجلی کی طویل بندش سے شہریوں کی روز مرہ کی زندگی مفلوج ہو کر رہ گئی۔

علاقہ مکینوں نے ارباب اختیار سے بجلی کی فوری بحالی کا مطالبہ کیا ہے۔

واضح رہے کہ آخری اطلاعات موصول ہونے تک علاقے کی بجلی بحال نہیں ہوسکی تھی۔