پینٹاگون کا کہنا ہے کہ امریکی فوج نے یمن کے حوثیوں کے زیر کنٹرول علاقوں میں ہتھیاروں کے ذخیرہ کرنے کی تنصیبات پر حملہ کیا ہے۔

امریکی وزیر دفاع لائیڈ آسٹن نے کہا کہ امریکی فضائیہ کے B-2 بمبار طیاروں نے حوثیوں کے زیر کنٹرول علاقوں میں زیر زمین ہتھیاروں کے ذخیرہ کرنے والے پانچ ٹھکانوں پر حملے کیے ہیں۔

عالمی میڈیا کے مطابق یہ پہلا موقع ہے جب امریکہ نے یمن میں حوثیوں پر حملہ کرنے کے لیے اسٹریٹجک B-2 اسٹیلتھ بمبار کا استعمال کیا ہے، B-2 ان لڑاکا طیاروں سے بہت بڑا پلیٹ فارم ہے جو اب تک حوثیوں کی تنصیبات اور ہتھیاروں کو نشانہ بنانے کے لیے استعمال کیا گیا ہے، جو بہت زیادہ وزنی بم لے جانے کی صلاحیت رکھتا ہے۔

حوثیوں کے المسیرہ سیٹلائٹ نیوز چینل نے صنعا اور صعدہ کے حوثی گڑھ کے ارد گرد فضائی حملوں کی اطلاع دی۔ انہوں نے نقصان یا جانی نقصان کے بارے میں فوری طور پر کوئی اطلاع نہیں دی۔