ٹیکنالوجی اور روایت کے انوکھے امتزاج میں گول روٹی بنانے کے لیے بھارتی شہر بنگلور کے انجینئرنگ کے شعبے سے وابستہ طالبعلم نے نیا (اے آئی) ٹول بنا ڈالا۔

بھارتی میڈیا رپورٹ کے مطابق بنگلور کے شہری انیمیش چوہان نے روٹی چیکر ڈاٹ اے آئی کے نام سے اے آئی سافٹ وئیر تخلیق کیا جس نے سوشل میڈیا پر تہلکہ مچا دیا۔ یہ معاملہ اس وقت سامنے آیا جب ایک ایکس صارف نے گول روٹی کی تصویر شیئر کی جس کے کیپشن میں اس نے لکھا کہ ’گول روٹی بنانا بھی ایک آرٹ ہے‘، جس کے جواب میں انیمیش چوہان نے اپنا تخلیق کردہ اے آئی ٹول متعارف کرایا۔

بعدازاں تخلیق کار کی جانب سے ایک چیلنج دیا گیا جس میں کہا گیا کہ اگر پوسٹ کو 420 لائکس ملتے ہیں، تو وہ اس لنک یعنی اے آئی سافٹ وئیر کو عوامی طور پر دستیاب کریں گے۔ جس کے بعد پوسٹ تیزی سے وائرل ہو گئی، جس کے نتیجے میں ”روٹی میکر“ کے لیے گوگل سرچز میں اضافہ ہوگیا۔

بھارت کا جنگی جنون: دفاعی بجٹ میں 9.5 فیصد اضافہ، 21 کھرب 94 ارب روپے مختص

ٹیک ماہر نے کہا کہ اس نے اپنے فارغ وقت میں مذاق کے طور پر AI روٹی چیکر تخلیق کیا۔ اب وہ اس منصوبے میں سرمایہ کاری کے لیے ماہر افراد کی تلاش میں ہیں اوربدلے میں معاوضہ بھی پیش کرنے کے لیے تیار ہیں۔

انیمیش چوہان کی اس دریافت پر سوشل میڈیا صارفین نے مضحکہ خیز تبصرے کیے۔

ایک صارف نے لکھا کہ امریکہ کے پاس چیٹ جی پی ٹی ہے، چین کے پاس ڈیپ سیک اور بھارت کے پاس RotiMeter.ai ہے۔“