وزیراعلی پنجاب کے جیل ریفارمز ایجنڈے کے تحت اہم پیشرفت سامنے آئی ہے، جیل انڈسٹری میں کام کرنے والے قیدیوں کو معاوضہ ملنا شروع ہوگیا۔ قیدیوں کے ہاتھوں تیار کردہ نوروزی چپل مارکیٹ میں فروخت ہو رہی ہے۔ڈسٹرکٹ جیل شاہ پور میں قیدیوں کو نوروزی چپل کی تیاری پر معاوضہ دیا گیا۔

وزیراعلی پنجاب کے جیل ریفارمز ایجنڈا کے تحت اہم پیشرفت سامنے آئی ہے۔ جیل انڈسٹری میں کام کرنے والے قیدیوں کو معاوضہ ملنا شروع ہوگیا۔

مختلف جیلوں میں ہنرمند قیدی اپنےاہل خانہ کی کفالت کے قابل ہوگئے، قیدیوں کے ہاتھوں تیار کردہ نوروزی چپل مارکیٹ میں فروخت ہو رہی ہے۔

ماہرین کے زیر نگرانی قیدیوں نے اعلیٰ معیار کی نوروزی چپل تیار کرنا سیکھی۔ قیدیوں کی تیار کردہ نوروزی چپل اپنی خوبصورتی میں منفرد ہے۔

قیدیوں کو ہنر مند بنا کر ان کے روشن مستقبل کی راہیں ہموار کر رہے ہیں۔ ہنرمند قیدی رہائی کے بعد بھی معاشرے کا مفید حصہ ہونگے۔

عید سے قبل قیدیوں کو ان کی محنت کا صلہ اجرت کی صورت میں دیا گیا۔ پنجاب بھر کی جیلوں میں قیدی مختلف مصنوعات تیار کر رہے ہیں۔

واضح رہے کہ پنجاب بھر کی جیلوں میں قیدی مختلف مصنوعات تیار کر رہے ہیں، جیلوں میں فرنیچر، قالین، ہینڈی کرافٹس، برتن، پیپر،ٹشو پیپر، فٹبال وغیرہ تیار ہو رہے ہیں۔

قیدیوں کو موٹر مکینک، حجام، خانساماں، بیوٹیشن اور آئی ٹی کے کورسز بھی کروائے جا رہے ہیں، جیل انڈسٹری اور ہنر مند قیدی جیل ریفارمز کی اعلیٰ مثال ہیں۔