ہماری صبح کا آغاز ناشتے سے ہوتا ہے اور رات بھر پیٹ خالی رہتا ہے تازہ دم ہونے کے لئے صبح کا ناشتہ نہایت اہمیت رکھتا ہے ناشتے میں وہ تمام  اجزاء شامل ہونے چاہئے جو صحت کے لئے نہ صرف ضروری ہو بلکہ فوری توانائی بھی بحال کریں یہاں پر چند آسان جلد تیار ہونے کے ساتھ صحت سے بھر پور ناشتے کی تراکیب بتائی جارہی ہیں جو یقیناً آپ کی صحت پر اچھے اثرات مرتب کریں گے۔

٭ آپ کے ناشتہ کا پیالہ اسٹربیریز،ناشپاتی،دلیہ اور پستے پر مشتمل ہونا چاہئے

ترکیب: ایک تہائی کپ دلیہ ایک تہائی کپ المنڈ ملک(بادام کا دودھ) میں رات بھربھگا ہوا،کٹی ہوئی ایک درمیانے سائز کی ناشپاتی،کٹی ہوئی مٹھی بھر اسٹرابیری،ایک کھانے کا چمچ کٹے ہوئے پستے ان سب کا بنا ہوا ایک پیالہ آپ کا بہتریں ناشتہ ہے۔

       ٭ رسبیری،بلیک کرنٹ،رائی کی بریڈ اور پستے

ترکیب:رائی کی بریڈ کا ایک سلائس،مٹھی بھر رسبیری،مٹھی بھر بلیک کرنٹ دو کھانے کے چمچ دہی اور ایک کھانے کا چمچ کٹے ہوئے پستہ اس طرح کا ناشتہ آپ کی فوری توانائی بحال کرتا ہے۔

٭ لال چکوترہ،کیوی،چوکر،تخم ملانگہ

ترکیب:ایک تہائی کپ برین فلیکس،ایک کٹا ہواکیوی،آدھا کٹا ہواریڈ گریپ فروٹ،دو کھانے کے چمچ دہی ایک چائے کا چمچ تخم بالانگہ یہ سب آپ کی بہتر صحت کی ضامن ہے

٭ مشروم ، سبز پھلیاں، چاول اورانڈہ

ترکیب:ایک چوتہائی کپ ابلے ہوئےچاول ایک فرائی کیے ہوئے مشروم،  مٹھی بھراسٹیمڈ چھوٹی سبز پھلیاں،آدھا کٹا ہوا ایواکاڈو،ایک تلا ہواانڈہ اور ایک چائے کا چمچ بھنے ہوئے تل یہ سب بطور ناشتہ صحت کے لئے بہترین ہے۔

٭ بلیک کرنٹ، خربوزہ ، جو کا دلیہ، بانگ کے بیج

ترکیب: ایک تہائی کپ دلیہ آلمنڈ ملک اور ایک  چائے کا چمچ آلمنڈ بٹر(بادام کا مکھن) میں رات بھر بھیگا ہوا،چند کٹے ہوئے خربوزے کے ٹکڑے،مٹھی بھر بلیک کرنٹ اورایک کھانے کا چمچ ہیمپ سیڈ یہ بھی ناشتے کے لئے صحت بخش ہے۔