اداکاروں کی جانب سے ٹھکرائے جانے والے اہم کردار
ممبئی:بولی وڈ کی کامیابی اچھی فلموں سے مشروط ہے،اور اچھی فلمیں بنتی ہیں بہترین کرداروں سے۔ بولی وڈ میں اداکاروں کو سپر اسٹار بنانے میں اچھے کرداروں کا بہت بڑا ہاتھ ہوتا ہے۔لیکن بہت سے اداکار ایسے ہیں جنہوں نےاُن کرداروں کو ٹھکرادیا جو بعد میں لوگوں کی بھرپور توجہ حاصل کرنے میں کا میاب ہوگئے۔ آئیے دیکھتے ہیں چلتے چلتے بولی وڈ کنگ شاہ رخ خان اور اداکارہ رانی مکھر جی کی فلم 'چلتے چلتے'لوگوں کے دل جیتنے میں کامیاب ہوگئی تھی،فلم میں مرکزی کردار شاہ رخ خان اور رانی مکھر جی نے اداکئے تھے،لیکن یہ بات شاید بہت سے لوگ نہ جانتے ہوں کہ رانی مکھر جی اس کردار کیلئے پہلی چوائس نہیں تھیں ،ان سے پہلے یہ کردار سابق حسینہ عالم ایشوریا رائے کو آفر کیا گیا تھا،لیکن ایش نے اس کردار کو کرنے سے منع کردیا ۔ منا بھائی ایم بی بی ایس انیس دسمبر2003 کو ریلیز ہوئی اداکار سنجے دت کی مزاح سے بھرپورفلم منابھائی ایم بی بی ایس منفرد کہانی اور بہترین اداکاری کی بدولت لوگوں کو توجہ حاصل کرنے میں کامیاب ہوگئی تھی۔ فلم میں سنجے دت کی اداکاری کو مداحوں اور ناقدین کی جانب سے بیحد سراہا گیا تھا لیکن اس فلم کے بارے میں شاید یہ بات کوئی نہیں جانتا کہ منابھائی کا کردار پہلے کنگ خان کو آفر کیا گیاتھا،شاہ رخ اس کردار کو ادا کرنے کیلئے مکمل طور پر راضی تھے ،لیکن ان کی صحت ان دنوں خراب ہوگئی تھی اور ان کی کمر میں درد رہنے لگا تھا جس کی وجہ سے وہ یہ کردار نہیں کر سکے۔ کہو نہ پیار ہے اداکار ہرتیک روشن کے کیر ئیر کی پہلی اور سب سے کامیاب فلم کہو نہ پیار ہےکے مرکزی کردار کیلئے معروف اداکارہ کرینہ کپور کا انتخاب کیا گیاتھا،کرینہ نے ابتداءمیں فلم کی شوٹنگ میں بھی حصہ لیاتھا ،لیکن پھر اچانک انہوں نے بغیر کوئی وجہ بتائے فلم کے سیٹ پر آنا چھوڑدیا،اور یہ کردار امیشا پاٹیل کو مل گیا۔ دل والے دلہنیا لے جائیں گے شاہ رخ خان کو بولی وڈ کا سب سے رومینٹک ہیرو قرارد یا جاتا ہے ، یہ خطاب انہیں فلم'دل والے دلہنیا لے جائیں گے'میں راج کے لازوال کردار کو اداکرنے پر دیا گیا،لیکن راج کا مشہور کردار کنگ خان سے پہلے عامر خان کو آفر کیا گیا تھا ۔ آپ کو یہ جان کر حیرت ہوگی کہ اس کردار کو صرف عامر خان نے نہیں بلکہ بولی وڈ کے چھوٹے نواب سیف علی خان نے بھی کرنے سے منع کردیا تھا۔ چک دے انڈیا شاہ رخ خان کے کیرئیر کی بہترین فلموں میں سے ایک فلم چک دے انڈیا بھی ہے لیکن یہ فلم بھی پہلے اداکار سلمان خان کو آفر ہوئی تھی،فلم کے مصنف کا کہنا تھا کہ انہوں نے کبیر خان کا کردار سلمان خان کو ذہن میں رکھ کر لکھا تھا لیکن بد قسمتی سے سلمان یہ فلم نہیں کر سکے اور شاہ رخ خان کو یہ رول مل گیا۔ ہم دل دے چکے صنم معروف ہدایت کار سنجے لیلیٰ بھنسالی کی مقبول ترین فلم 'ہم دل دے چکے صنم' میں ایشوریا کے کردار کو کون بھول سکتا ہے،اسی فلم سے ایشوریا بولی وڈ میں اپنی پہچان بنانے میں کامیاب ہوئی تھیں ،لیکن یہ کردار پہلے کرینہ کپور کو آفر کیا گیا تھا ،ان کے منع کرنے کے بعد یہ ایشوریا کے حصے میں آیا۔ دیوانہ شاہ رخ خان کے کیر ئیر کی پہلی کامیاب فلم 'دیوانہ'کنگ خان سے پہلے ارمان کوہلی کو آفر کی گئی تھی۔ گولیوں کی راس لیلیٰ،رام لیلیٰ لگتا ہے کرینہ کپور خان کو سنجے لیلیٰ بھنسالی سے کوئی ذاتی اختلاف ہے جب ہی تو ان کی ہر فلم بڑی آسانی سے ٹھکرادیتی ہیں ،ہم دل دے چکے صنم کے بعد کرینہ نے رام لیلیٰ کرنے سے بھی منع کردیا اور اس کردار نے دیپیکا کی شہرت میں مزید اضافہ کردیا۔ صرف کرینہ ہی نہیں اس کردار کیلئے کترینہ کیف بھی انکار کر چکی ہیں۔ دل چاہتا ہے بولی وڈکی مشہور فلم دل چاہتا ہے عامر خان سے پہلے ہرتیک روشن کو آفر ہوئی تھی،لیکن انہوں نے اس فلم کی بجائے 'میں پریم کی دیوانی ہوں 'کو ترجیح دی۔ چنائی ایکسپریس بولی وڈ کی باربی ڈول کترینہ کیف چاہے کتنی بھی خوبصورت کیوں نہ ہوں لیکن فلموں کے انتخاب کے معاملے میں ان کا دماغ تھوڑا کم چلتا ہے ،جب ہی تو کامیاب ترین فلم چنائی ایکسپریس کو ٹھکرا دیا،ان کے بعد یہ کردار دیپیکا پڈوکون کے حصے میں آیا۔ ڈرٹی پکچر فلم ڈرٹی پکچر نے معروف اداکارہ ودیا بالن کے کیر ئیر میں اہم کردار اداکیا ،لیکن آپ کویہ جان کر حیرت ہوگی کہ یہ کردار پہلے کنگنا رناوت کو آفر کیا گیا تھا۔ یہ جوانی ہے دیوانی
