آج کل ہر دوسرا شخص کمر درد کا شکار نظر آتا ہے، یہ درد  ایک بار جسم کا حصہ بن جائے تو مشکل سے ہے ختم ہوتا ہے ، کمر میں در د رہنے کی بڑی وجہ غیر صحت بخش غذا اس کے علاوہ دیر تک بیٹھ کر کام کرنا ہے۔

کمردرد کی کئی دوسری وجوہات بھی  ہوسکتی ہیں۔ جیسے زیادہ دیر تک بیٹھے یا لیٹے رہنا، دیر تک چہل قدمی کرنااور  زیادہ دیر تک کھڑے رہنے سے بھی  درد کی شکایت ہو سکتی ہے۔

اگر آپ درج ذیل طریقہ کارپر عمل کرتے رہیں تو اس سے آپ کو کبھی کمر میں درد کی شکایت نہیں ہوگی چاہے آپ جتنی دیر بھی کھڑے رہیں یا بہت دیر تک کام کرتے رہیں،  کمر درد سے آپ کو بالکل چھٹکارہ مل جائے گا۔

٭ ورزش

اگر آپ نے دن کا زیادہ حصہ موبائل استعمال کرتے ہوئےیا کمپیوٹر پر دیر تک بیٹھ کر گزرا ہےتو لازمی طور پر آپ کمر کے درد سے دوچار ہوں گے۔ لہذا صبح اٹھنے کے بعد اور رات کو سونے سے قبل آپ فیزیو بال پر 2 منٹ کےلئے لیٹیں۔ اس سے کمر کے درد میں بہت آرام ملے گا۔

٭ چہل قدمی

ہرروز چہل قدمی اپنا معمول بنا لیں۔ روزانہ 10 منٹ کی واک آپ کو کمردر سے نجات دلاسکتی ہے۔

٭ گہری سانس لیں

دن میں ایک بار کسی پرسکون ماحول میں بیٹھ کر 15 سیکنڈ تک گہری سانس لیں۔اس سے آپ کا تمام تر ذہنی دباؤ ختم ہوجائے گا اور آپ کوکمر درد میں بھی آرام ملے گا۔

٭برف کا استعمال

اگر آپ کے کمر میں بہت شدید درد ہورہا ہے تو آپ متاثرہ حصے پر برف سے مساج کریں۔ اس سے آپ کو درد میں آرام ملے گا۔

٭ سیک کریں

اگر برف کے مساج سے بھی درد نہیں جارہا تو کسی کپڑے کو گرم کرکے اپنی کمر پر رکھیں اور اچھی طرح سیک لیں۔ متاثرہ حصے پر گرم کپڑے سے 15 منٹ تک سیک لگائیں۔

٭ ہلدی کی چائے

اگر آپ اپنی ڈائٹ میں ہلدی کا استعمال بڑھا دیں تو اس سے آپ کو کمردرد میں واضح فرق نظر آئے گا۔ 1 گلاس میں 3 چمچے ہلدی کے ڈال کر اچھی طرح مکس کرلیں اور دن میں 3 بار اس کو استعمال کریں۔

نوٹ: یہ مضمون محض عام معلومات کے لئے ہے، اس پر عمل کرنے سے قبل اپنے معالج سے ضرور مشورہ کرلیں۔

بشکریہ: فٹنس میگزین