جوڑوں کی سرجری سے بچت۔

ایک سائنسی ریسرچ کے مطابق سگریٹ نوشی کرنے والے افراد کے جوڑوں کی بیماری میں مبتلا ہونے کے امکانات کم ہوتے ہیں۔ آسٹریلیا کی یونیورسٹی آف ایڈیلیڈ کی ایک ریسرچ کے مطابق موٹاپا اور دوڑ کی ورزش کرنے والے افراد عام طور پر جوڑوں کی بیماری میں مبتلا ہوتے ہیں جس کے باعث ان کو اس حوالے سے آپریشن کی ضرورت پڑتی ہے تاہم سگریٹ میں نکوٹین کی موجودگی کے باعث انسان کے جوائنٹ زوال پذیر نہیں ہوتے ،لہذا ان کو اس حوالے سے آپریشن کی ضرورت نہیں پڑتی۔

پارکنسن کی بیماری سے تحفظ

سگریٹ نوشی کرنے والے افراد عام طور پر پارکنسن کی بیماریوں سے بھی محفوظ رہتے ہیں۔ نیورولوجی سے متعلق ایک رسالے میں دوہزار دس کی اشاعت میں بھی سگریٹ نوشی کے باعث متعلقہ بیماری سے محفوظ رہنے کا دعویٰ کیا گیا ۔ حتی کہ عالمی شہرت یافتہ یونیورسٹی ہارورڈ نے بھی اپنی ریسرچ میں اس بات کی توثیق کی ہے، تاہم متعلقہ ریسرچ اس بات کا جواب دینے سے قاصر ہیں کہ ایسا کیوں ہے۔

سگریٹ نوشی سے موٹاپے سے تحفظ

جنرل آف فیسیولوجی اینڈ بیہیویئر میں سگریٹ نوشی کے موٹاپے پر مثبت اثرات بتائے ہیں۔ تحقیق کے مطابق سگریٹ نوشی میں نیکوٹین کی موجودگی کے باعث عام طور پر اسکو استعمال کرنے والے کم کھانا کھاتے ہیں جو کہ وزن میں کمی کا سبب بنتی ہے۔

دل کی بیماری کی ادویات کے بہتر کام میں معاونت

کلوپی ڈوگرل کو عام طور پر دل کو خون پہنچانے والے شریانوں میں خون کی گرہ بن جانے کی بیماری سے متاثرہ مریضوں کیلئے استعمال کیا جاتا ہے، تاہم حیران کن طور پر سگریٹ نوشی کی صورت میں یہ دوا بھی اپنا کام بہتر سرانجام دیتی ہے۔