پاکستان کا افغانستان سےداعش خراسانی گروپ کے گرفتاردہشتگرد کی حوالگی کا مطالبہ
پاکستان نے افغانستان سے داعش خراسانی گروپ کے گرفتاردہشتگرد کی حوالگی کا مطالبہ کر دیا۔اسلم فاروقی پاکستان میں دہشتگرد کارروائیوں میں ملوث ہے۔
ترجمان دفترخارجہ کے مطابق پاکستان میں تعینات افغان سفیرکو وزارت خارجہ طلب کیا گیا۔
افغان سفیر سے داعش کے خراسانی گروپ کے لیڈر اسلم فاروقی کی 5اپریل کو افغان حکام کی طرف سے گرفتاری کے حوالے سے بات ہوئی۔
افغان سفیر پر واضح کیا گیا کہ پاکستان خراسانی گروہ کی سرگرمیوں پر اپنے تحفظات کا اظہار کرتا آیا ہے۔اس گروہ کی سرگرمیاں پاکستان مخالف ہیں، پاکستان اس حوالے سے اپنے مؤقف سے مسلسل افغان حکومت کو آگاہ کرتا رہا ہے۔
افغان سفیرپرواضح کیا گیا ہے کہ اسلم فاروقی پاکستان مخالف سرگرمیوں میں ملوث ہے اس لئے اسلم فاروقی کوپاکستان کے حوالے کیا جائے۔
پاکستان نے زوردیا کہ دونوں ممالک کو دہشتگردوں کے خلاف مشترکہ میکنزم اور رابطوں پر توجہ دینے کی ضرورت ہے۔
Comments are closed on this story.