قندیل بلوچ واپس آرہی ہیں؟
سوشل میڈیا پر اپنی متنازعہ تصاویر اور ویڈیوز کے ذریعے شہرت حاصل کرنے والی پاکستانی ماڈل اور گلو کارہ قندیل بلوچ کو گزشتہ برس ان کے بھائی نے غیرت کے نام پر گلا دبا کر قتل کردیاتھا،ان کی ناگہانی موت نے پاکستان سمیت غیر ملکی میڈیا کو بھی ہلا کر رکھ دیا تھا۔
مقامی ویب سائٹ کے مطابق حال ہی میں انسٹا گرام پر جاری ہونے والی صباء قمر کی تصاویر کو دیکھ کر امکان ظاہر کیا جارہا ہے کہ وہ اپنی پہلی بھارتی فلم "ہندی میڈیم"میں مرکزی کردار ادا کرنے کے بعد اب قندیل بلوچ کی زندگی پر بننے والی فلم میں مرکزی کردار ادا کریں گی۔
تصاویر میں صباء بالکل قندیل بلوچ کے اسٹائل میں بیٹھی نظر آرہی ہیں،ان کی گردن پر دو نئے ٹیٹوز بھی بنے ہوئے ہیں جبکہ تصویر کے کیپشن میں لکھا ہے ،"خاموشی سے محنت کرو،تمہاری کامیابی شور مچائے گی"۔
On the sets of #sabaqamar #Khi #characterrole #biopic #megaproject
A post shared by Saba Qamar (@sabaqamarzaman) on
تصاویر کے ساتھ صباء نے سوانح حیات کا ہیش ٹیگ لگایا ہے جس کا مطلب ہے وہ اب کسی کی سوانح حیات پر کام کرنے کا ارادہ رکھتی ہیں۔
واضح رہے کہ قندیل بلوچ کی زندگی ایک کھلی کتاب کی مانند تھی جتنے لوگ انہیں ناپسند کرتے تھے تقریباً اتنے ہی لوگ ان کے اسٹائل کے مداح تھے ،قندیل پہلی بار ایک میوزک شو میں حصہ لینے کے باعث میڈیا کی توجہ کا مرکز بنیں،قندیل کو ان کے بولڈ اور بے لاگ تبصروں کے باعث بہت زیادہ پزیرائی حاصل ہوئی۔
صباء قمر کی پہلی بھارتی فلم 12 مئی 2017 کو ریلیز ہوگی جس میں ان کے ساتھ عرفان خان مرکزی کردار میں نظر آئیں گے،فلم کی کہانی مڈل کلاس طبقے کے گرد گھومتی ہے جو اپنے بچوں کو انگلش میڈیم اسکول میں داخلہ دلوانے کیلئے کوششیں کرتے ہیں، فلم میں مزاح کا استعمال کرتے ہوئے سماجی مسئلے کو اجاگر کرنے کی کوشش کی گئی ہے جو دیکھنے والوں کو ضرور پسند آئے گی۔
’بدترین انسان‘: ہالی ووڈ اداکار مارک رُفالو کی ٹرمپ پر سخت تنقید
’ارچنا پورن سنگھ کی نایاب بیماری ان کی زندگی بدل سکتی ہے‘: ماہر کا انتباہ
گولڈن گلوب ایوارڈز کی رنگا رنگ تقریب، فلم ’ہیمنٹ‘ کے نام بڑا اعزاز
’ایڈولیسنس‘ اداکار سب سے کم عمر گولڈن گلوب فاتح بن گئے
بھارتی باکسر میری کوم کو طلاق کے بعد کیا کچھ جھیلنا پڑا؟
اس کہانی پر تبصرے بند ہیں۔