کیا آپ کی کوہنیوں اور گھٹنوں کا رنگ خراب ہو رہا ہے؟جب آپ کے جلد کا رنگ خراب ہو رہا ہوتا ہے تو صابن اس کو صاف کرنے میں  مدد گار ثابت نہیں ہوتا۔

ہم آپ کو بتاتے ہیں کچھ ایسے قدرتی ٹوٹکے جو آپ کی کوہنیوں اور گھٹنوں کے رنگ کو نکھارنے میں مدد دیں گے۔

لیموں

لیموں میں قدرتی بلیچنگ خصوصیات موجود ہوتی ہیں۔ لیموں کا رس خراب رنگ والی جگہوں پر لگائیے، خوب مساج کیجئے اور دس منٹ کیلئے چھوڑ دیجئےپھر گرم پانی سے دھو لیجئے۔ اس عمل کو کچھ ہفتوں تک جاری رکھیئے اور فرق دیکھئے۔

دہی

دہی بہترین مؤسچرائزر کے طور پر جانی جاتی ہے۔ لیکن بہت سے لوگ یہ نہیں جانتےہوں گے کہ کھٹی دہی جِلد کی رنگت نکھارنے میں بھی مدد دے سکتی ہے۔ دہی میں ایک چائے کا چمچہ سرکہ اور بیسن ملائیے اور لگائیں۔ 15 منٹ بعد گرم پانی سے دھو لیں۔

کھانے کا سوڈا

کھانےکا سوڈا اور دودھ ملا کر ایک مرکب بنائیے اور اپنی کوہنیوں اور گھٹنوں پر لگائیے اور پانچ منٹ بعد دھولیجئے۔ یہ عمل ہفتے میں ایک بار دو مہینوں تک کیجئے۔

ایلو ویرا

ایلو ویرا جِلد کو ملائم رکھنے میں مدد دیتا ہے۔ ایلو ویرا کا ایک تازہ پتہ لیجئے اور اس کا گوداجِلد پر لگائیے۔ 20 منٹ تک لگا رہنے دیں اور پھر ٹھنڈے پانی سے دھو لیں۔

ناریل کا تیل

روکھی جِلد کو ملائم کرنے کیلئے متاثرہ جگہ پر ناریل کا تیل لگائیے اور پھر گرم پانی سے دھولیں۔ صابن مت لگائیے، بس تھپکی دے کر خشک کریں۔

Times of Indiaبشکریہ