ہم سب نے یہ کہاوت تو سنی ہی ہے کہ " سیب کھائیں اور ڈاکٹر سے دور رہیں" لیکن اب اس کہاوت کو یوں کہا جائے کہ "کینوں کھائیں اور ڈاکٹر سے دور رہیں" تو غلط نہیں ہوگا۔

کینوں قدرت کا ایک ایسا تحفہ ہے جس کے بے تحا شہ فوائد ہیں۔یہ وہ پھل ہے جسے کھانے کے ساتھ پیا بھی جا سکتا ہےاس کے علاوہ  اس کا ماسک بنا کے منہ پر بھی لگایا جا سکتا ہے۔۔

اس کے علاوہ کینوں کے کیا فوائد ہیں آئیں جانتے ہیں

آنکھوں کے لیے فائدہ مند
کینوں کا ایک بہت بڑافائدہ یہ ہے کہ اس میں وٹامن اے وافر مقدار میں موجود ہوتا ہے جوکہ آنکھوں کے لیے بے حد مفید ہے۔ روز ایک یا دو کینوں کھانے سے آنکھوں کی بینائی تیز ہوتی ہے۔

وائرل انفیکشن کے خلاف لڑتا ہے
سردیوں کے شروع ہوتے ہی ہر کوئی نزلے کھانسی جیسی بیماری میں مبتلا ہو جاتا ہے ، چونکہ کینوں سردیوں کے موسم میں ہی آتے ہیں اس لئے اگر اس مسائل سے لڑنے کے لئے کینوں کا استعمال کیا جائے تو بہت فائدے مند ثابت ہوتا ہے۔ ن اگر آپ روز ایک کینوں کھایئں گے تو آپ سردی کے موسم میں پھیلنے والے وائرل انفیکشن سے محفوظ رہیں گے۔

وٹامن سی سے مالامال
کینوں کے جوس میں وٹامن سی موجود ہوتا ہے جو انسانی جسم کے لیے بے حد ضروری ہوتا ہے۔ روزانہ دو گلاس کینوں کا جوس آپ کے جسم کو بیماریوں سے محفوظ رکھتا ہے۔کینوں کے جوس میں موجود وٹامن سی کیلشیم بڑھانے میں مددگار ثابت ہوتا ہے۔

مدافعتی نظام کےلئے بے حد مفید
کینوں کا جوس مدافعتی نظام کے لیے بے حد فائدہ مند اور مفید ہے۔ ایک گلاس  جوس میں دو سو فیصد وٹامن سی موجود ہوتا ہے جوکہ مدافعتی نظام کو بہتر بنانے میں بہت مددگار ثابت ہوتا ہے۔ اس کے علاوہ وٹامن سی انسانی جسم میں موجود انٹی اوکسیڈینٹ کے خلاف لڑنے میں بھی مددگار ثابت ہوتا ہے۔

خوشگوار جلد پائیں
کینوں کو کھانے ، پینے کے ساتھ چہرے پر لگایا بھی جا سکتا ہے اور کینوں کا ماسک جلد کو چمکدار اور خوشگوار بنانے میں بہت کارآمد ثابت ہوتا ہے۔ کینوں کے چھلکوں کو خشک کرکے اسے پیس لیں اس میں دو کھانے چمچے دہی اور ایک کھانے کا چمچ شہد ملا کے چہرے پر لگا لیں ۔جب خشک ہوجائے تو نیم گرم پانی سے دھو لیں۔ اس ماسک کے ذریعے آپ کی جلد کو قدرتی چمک حاصل ہوگی۔

نوٹ: یہ مضمون محض عام معلومات کے لئے ہے، اس پر عمل کرنے سے قبل اپنے معالج سے مشورہ ضرور کیجئے۔