بولی وڈ اداکار سنجے دت کی  حالیہ ریلیز ہونے والی فلم  بھومی کی باکس آفس پر دوسرے روز کمائی میں معمولی اضافہ دیکھنے میں آیا۔

اومنگ کپور کی زیر ہدایت بننے والی فلم نے باکس آفس پر  دوسرے روزدو کروڑ روپے سے زائد رقم اکٹھے کی۔

دو دنوں میں فلم کی کمائی چار کروڑ روپے تجاوز کرچکی ہےجس کی تصدیق   اتوار کے روز معروف  سنیما ناقد اورتجزیہ کار  ترن آدرش نے  ٹوئٹر پرکی۔

#Bhoomi Fri 2.25 cr, Sat 2.47 cr. Total: ₹ 4.72 cr. India biz.

— taran adarsh (@taran_adarsh) September 24, 2017

فلم بھومی میں سنجے دت کے علاوہ ادیتی راؤ حیدری، سِدھانت گپتا اور شرد کیلکر اہم  کرداروں میں موجود ہیں۔

ناقدین کی جانب سے فلم 'بھومی' کو مثبت ردعمل  موصول ہواہے ۔

فلم کی کہانی باپ(سنجے دت)اور بیٹی(ادتی راؤ حیدری) کے گرد گھومتی ہے۔

بشکریہ: زی نیوز