شادی کی پہلی رات انسان کی زندگی کی سب سے یادگار رات ہوتی ہے۔ اس سے کوئی فرق نہیں پڑتا کہ آپ فائیو اسٹار ہوٹل کے کمرے میں ہیں یا اپنے گھر کے 12x12 کے کمرے میں، پہلی رات صرف اس وجہ سے ہی یادگار ہوجاتی ہے کہ یہ آپ کی نئی زندگی کی پہلی رات ہے۔

آپ اپنی زندگی کی اس حسین رات کو مزید حسین بنا سکتے ہیں ایک دوسرے  کو ایک خوبصورت اور ہمیشہ یاد رہنے والا تحفہ دے کر۔

یہاں آپ کو پانچ ایسے تحفوں کے بارے میں بتا رہے ہیں جو شادی کی پہلی رات کو نہ صرف یادگار بنا دیں گے بلکہ اس کے ساتھ آپ کے لائف پارٹنر کو بھی خوش کردیں گے۔

٭ پیار بھرا خط

صنف نازک اپنی شادی کی پہلی رات پہت زیادہ جذباتی ہوتی ہیں۔ ان کو مزید جذباتی کرنے کیلئے ایک پیار بھرا خط دیں۔ اس خط میں جو سچ ہے وہ تحریر کریں، آنے والی زندگی کے حوالے سے وعدے لکھیں اور اسے بتائیں کہ وہ آپ کیلئے کتنی خاص ہے۔ اپنی شریک حیات سے وعدہ کریں کہ آپ اسے زندگی بھر چاہیں گے، اور وہ اسی وقت آپ کی محبت میں گرفتار ہو جائے گی۔ اس کو مزید اسپیشل بنانے کیلئے اس خط کو فریم کرواکر دیں۔

٭ یادگار ڈائری

شادی کی پہلی رات وہ رات ہے جب آپ اپنی نئی زندگی کی شروعات کرتے ہیں۔ تو کیوں نہ اس نئی زندگی کے یادگار لمحوں کو محفوظ کیا جائے؟ اس کیلئے ایک اسکریپ بک ڈائری بہترین چیز ہے، اسے آپ خود بھی بناسکتے ہیں اور کسی دکان سے خرید بھی سکتے ہیں۔ اپنی زندگی کے حسین اور یادگار لمحوں کو اس میں محفوظ کرتے جائیں اور سالوں بعد آپ کے پاس اچھی یادوں کا ایک ذخیرہ موجود ہوگا۔

٭ قیمتی اور خوبصورت جوڑا

اگر آپ کوئی خاص جوڑا شادی کی پہلی رات کیلئے اپنی شریک حیات کیلئے پسند کرتے ہیں تو یاد رکھئے کہ سائز ٹھیک ہو اور وہ اس پر سوٹ کرتا ہو۔ آپ کا دیا گیا یہ جوڑا اسے پسند آئے گا اور وہ ساری زندگی اسے سنبھال کر رکھے گی اور صرٖ خاص مواقع پر اسے نکالے گی۔

٭ جیولری

جیولری شادی کی پہلی رات کو دیا جانے والا ایک کامن تحفہ ہے، لیکن اس کی خاص باتیہ ہے کہ یہ کبھی بھی فیل نہیں ہوتا۔ آپ کو بہت زیادہ مہنگی ہیرے کی انگوٹھی یا ہار خریدنے کی ضرورت نہیں ہے۔ ایسی چیز ڈھونڈیں جو سب سے الگ ہو۔ جیسے کہ لَو، رومانس اور رشتوں کی تھیم پر مبنی ڈیزائنر جیولری۔ اور آپ دیکھیں گے کہ یہ آپ کی شریک حیات کو کتنی پسند آتی ہے۔

٭ گفٹ باسکٹ

اگر آپ درج بالا تحائف میں سے کچھ نہیں دینا چاہتے تو ایک گفٹ باسکٹ تیار کریں۔ اس میں خوشبودار کینڈلز، پرفیومز، لولی لوشنز چاکلیٹس اور ہر وہ چیز جو آپ کو لگے کہ اسے پسند آئی گی اس میں پیک کریں۔ لیکن خیال رکھیں کہ اسے خوبصورتی سے پیک کیا جائے۔

مادی تحائف تو اپنی جگہ، لیکن شادی کی پہلی رات غیر منقسم توجہ اور ڈھیر سارا پیار ہی اصل تحفہ ہوتا ہے۔ اپنی شریک حیات سے محبت کا اظہار کریں، اسے شہزادی کی طرح رکھیں اور آپ کی ساری زندگی آسان اور اچھی گزرے گی۔