بولی وڈ کے بھائی سلمان خان شاید لڑکیوں میں سب سے زیادہ مشہور بولی وڈ سپر اسٹار ہوں لیکن کیا آپ اس بات کو مانیں گے کہ کئی ایسی اداکارائیں بھی ہیں جنہوں نے ان کے ساتھ کام کرنے سے سختی سے انکار کیا۔

آج ہم آپ کو بولی وڈ کی ان اداکاراؤں کے بارے میں بتانے جارہے ہیں جنہوں نے سلمان خان کے ساتھ کام کرنے سے بالکل انکار کردیا۔

ٹوئنکل کھنّا

سلمان خان کے ساتھ کام کرنے سے انکار کرنے والی سب سے پہلی اداکارہ بولی وڈ کے کھلاڑی اکشے کمار کی اہلیہ تھیں۔ سلمان اور انہوں نے 1988 میں بننے والی فلم 'جب پیار کسی سے ہوتا ہے' میں ایک ساتھ اداکاری کی جو ایک بلاک بسٹر ثابت ہوئی تاہم بعد میں بھی انہیں سلمان خان کے ساتھ کام کرنے کی آفرز آئیں لیکن انہوں نے صاف انکار کردیا۔

سونالی بیندرے

سونالی بیندرے ایک اور مشہور اداکارہ ہیں جنہوں نے سلمان خان کے ساتھ کام کرنے سے انکار کیا۔ ان دونوں کو بِگ اسکرین پر جوڑی کی صورت میں بے حد پذیرائی ملی تاہم جب سے سلمان نے کالا ہرن مارا سونالی نے ان کے ساتھ کام نہ کرنے کا فیصلہ کرکیا۔

امیشا پٹیل

فلم 'کہو نہ پیار ہے' سے اپنے کیریئر کی شروعات کرنے والی امیشا پٹیل نے سلمان خان کے ساتھ صرف ایک ہی فلم 'یہ ہے جلوہ' میں کام کیا۔ اس فلم کو مداحوں نے اتنا پسند نہیں کیا تاہم امیشا نے پھر ان کے ساتھ کام کرنے کا رِسک نہیں لیا۔

دپیکا پاڈوکون

ڈریم گرل دپیکا بھی ان اداکاراؤں میں شامل ہیں جنہوں نے سلمان خان کے ساتھ قطعاً کام کرنے سے انکار کیا۔ انہیں سلمان کے ساتھ ایک یا دو فلم کی آفر نہیں آئی بلکہ 5 فلموں میں اداکاری کی پیشکش ہوئی۔ فلم 'سلطان' میں عارفہ کے کردار کے لئے بھی سب سے پہلے انہی سے رابطہ کیا گیا تھا۔

جوہی چاولہ

جوہی چاولہ نے شاہ رخ خان کے ساتھ تو کئی فلموں میں اپنی اداکاری کے جوہر دکھائے تاہم نوے کی دہائی میں فلم 'دیوانہ مستانہ' کے بعد انہیں ایک بار بھی سلمان خان کے ساتھ نہیں دیکھا گیا۔

Thanks to viral.laughingcolours