ممبئی : معروف بولی وڈ اسٹار سری دیوی کی پوسٹ مارٹم رپورٹ میں ان کی موت شراب نوشی کے باعث باتھ ٹب میں گر کر ڈوبنے کو قرار دیا گیا ہے۔

اماراتی میڈیا میں سری دیوی کی پوسٹ مارٹم رپورٹ کے حوالے سے دعویٰ کیا گیا ہے کہ ان کے جسم میں شراب نوشی کے ذرات پائے گئے ہیں۔ گلف نیوز کی رپورٹ کے مطابق سری دیوی شراب کے زیر اثر اپنا توازن کھوبیٹھیں اور باتھ ٹب میں ڈوب کر اپنی زندگی سے ہاتھ دھوبیٹھیں۔

Following completion of post-mortem analysis, Dubai Police HQ today stated that the death of Indian actress #Sridevi occurred due to drowning in her hotel apartment’s bathtub following loss of consciousness: Govt of Dubai Media Office

— ANI (@ANI) February 26, 2018

دبئی میڈیا آفس کے مطابق پوسٹ مارٹم کے بعد اس کیس کی فائل پبلک پروسیکیوشن کے حوالے کردی گئی ہےتاکہ دیگر ضروری اقدامات کیے جاسکیں۔

بیان میں مزید کہا گیا ہے کہ پوسٹ مارٹم کے بعد دبئی پولیس نے موت کی وجہ ہوش کھونے کے بعد باتھ ٹب میں ڈوبنے کو قرار دیا گیا ہے ۔

دبئی پولیس نے تصدیق کی ہے کہ اس حوالے سے کیس کی فائل دبئی پبلک پراسیکیوشن کے حوالے کردی گئی ہے۔

امارات کی وزارت صحت نے بھی سری دیوی کی موت کی وجہ حادثاتی طور پر ڈوبنے کو قرار دیا ہے۔ اب غالب امکان ہے کہ دیگر کاغذی کارروائی مکمل کرنے کے بعد سری دیوی کے میت کو بھارت پہنچایا جائے گا۔ بھارتی حکام اور دیگر اہلخانہ دبئی حکام کی جانب سے کاغذی کارروائی مکمل ہونے کے منتظر ہیں۔

Source: Zee News