:اجزاء

کارن فلور۔۔۔۔۔۔۔۔۔۔۔۔۔۔۔۔۔۔ 1 چائے کاچمچ
دودھ۔۔۔۔۔۔۔۔۔۔۔۔۔۔۔۔۔۔۔۔۔ 2 لیٹر
کاجو۔۔۔۔۔۔۔۔۔۔۔۔۔۔۔۔۔۔۔۔۔۔ 35 گرام
بادام۔۔۔۔۔۔۔۔۔۔۔۔۔۔۔۔۔۔۔۔۔۔ 35 گرام
پستہ۔۔۔۔۔۔۔۔۔۔۔۔۔۔۔۔۔۔۔۔۔۔ 35 گرام
زعفران۔۔۔۔۔۔۔۔۔۔۔۔۔۔۔۔۔۔۔۔ 1 چٹکی
کنڈنسڈ ملک۔۔۔۔۔۔۔۔۔۔۔۔۔۔۔ آدھا کپ
پانی۔۔۔۔۔۔۔۔۔۔۔۔۔۔۔۔۔۔۔۔۔۔ 4 کپ
چینی۔۔۔۔۔۔۔۔۔۔۔۔۔۔۔۔۔۔۔۔۔ 1 کپ
لیموں کا رس۔۔۔۔۔۔۔۔۔۔۔۔۔۔۔۔ 3 چائے کے چمچے

:ترکیب 
٭ سب سے پہلے ایک پین میں دودھ (1 لیٹر) لے کر اُبال لیں۔
٭ پھر اس میں لیموں کا رس ڈال کر دودھ کی پھُٹکڑیاں بنالیں۔
٭ اب اس دودھ کو ایک ململ کے کپڑے میں ڈال کر چھان لیں اور ہلکا سا نچوڑ کر فالتو پانی نکال لیں۔
٭ پھر نچوڑی ہوئی پوٹلی کو دوبارہ تیس منٹ تک لٹکا لیں تاکہ مزید پانی نکل جائے۔
٭ اب پھٹے ہوئے دودھ کو ایک برتن میں ڈال کر اس میں کا رن فلور ڈال دیں اور ہلکا سا ملائم کر لیں اور اس کے پیڑے بنا لیں۔
٭ پھر ایک پین میں پانی اور چینی لے کر اچھی طرح ہلا کر مکس کرلیں۔
٭ پھر چولہے کی آنچ کو تیز کریں اور اس میں تیار کیے ہوئے پیڑے ڈال دیں۔
٭ اب ڈھکن بند کرلیں اور اٹھارہ منٹ تک پکا کر نکال لیں۔
٭ پھر تیار شدہ پیڑوں کو ایک برتن میں ڈال کر تیار شدہ شیرے میں ڈپ کریں اور ٹھنڈا کرلیں۔
٭ اب ایک پین میں دودھ (3 کپ) لیں اور اس میں کنڈنسڈ ملک، پستہ، کاجو اور بادام ڈال کر 12 سے 15 منٹ تک پکالیں اور گاڑھا ہونے پر اُتار لیں (دودھ ملائی تیار ہے)۔
٭ اب ایک برتن میں پیڑے لیں اور اس پر تیار کی ہوئی دودھ ملائی ڈال دیں۔
٭ آپکی مزیدار رس ملائی تیار ہے ۔