بچپن انسانی زندگی کا وہ حسین دور ہوتا ہے جو کبھی واپس نہیں آتا ،یہ دور انسان کو ہمیشہ یاد رہتا ہے،لیکن کچھ بچوں کا بچپن اتنا خوبصورت نہیں ہوتا ۔

بچے پھولوں کی طرح نازک اور حساس ہوتے ہیں وہ ہر چیز کا اثر بہت جلد لیتے ہیں ایسے میں اگر بچے اپنے آس پاس کچھ برا ہوتا ہوا دیکھیں تو پریشان ہوجاتے ہیں ،والدین کو چاہئے کہ اپنے بچوں کو بہترین ماحول فراہم کریں ،ان کے بچپن کو بری یادوں کی نظر نہ ہونے دیں۔

ہماری شوبز انڈسٹری کے مشہور فنکار بھی بچپن کے اس دور سے گزر چکے ہیں جہاں انہیں اچھے اور برے حالات کا سامنا کرنا پڑا ہے ،آج ہم آپ کو ان چند فنکاروں کے بارے میں بتائیں گے جن کا بچپن عام بچوں کی نسبت زیادہ پریشان کن گزرا ہے۔

شمعون عباسی

شمعون عباسی ہماری شوبز انڈسٹری کے مشہور اور باصلاحیت اداکاروں میں سے ایک ہیں ،انہیں دیکھ کر ایک مضبوط اور حوصلہ مند شخصیت کا تاثر ابھرتا ہے ،لیکن ہم آپ کو بتاتے چلیں کہ ان کا بچپن ان کے آج کی طرح خوشگوار نہیں تھا۔

ایک انٹرویو کے دوران انہوں نے اپنے بچپن کے حوالے سے بات کرتے ہوئے کہا کہ میںبہت چھوٹا تھا جب میرے والدین کے درمیان علیحدگی ہوگئی جس کا مجھ پر بہت اثر ہوا اور میں بالکل اکیلا رہ گیا،مجھے کوئی ایسا چاہئے تھا جو مجھے دل سے قبول کرے۔ان کی ان باتوں سے اندازہ ہوتا ہے کہ ان کا بچپن ایک عام بچے کی طرح بالکل بھی نہیںگزرا۔

سبرین ہسبانی

اداکارہ سبرین ہسبانی پاکستانی ڈراموں کی مشہور اداکارہ ہیں،ایک انٹرویو کے دوران سبرین نے اپنی زندگی اور بچپن کی مشکلات کے حوالے سے کھل کر بات کی انہوں نے کہا کہ جب میں بہت چھوٹی تھی میرے والد نے دوسری شادی کرلی جس کا مجھ پر بہت برا اثر ہوا۔جبکہ ان کی والدہ ایک گلوکارہ ہیں انہوں نے بھی دوسری شادی کرلی تھی،سبرین کے مطابق میں بچپن میں ہی بڑی ہوگئی تھی۔

ایان علی

پاکستان کی معروف اور متنازعہ ماڈل ایان علی کا بچپن بھی کچھ زیادہ اچھا نہیں گزرا ،انہیں دیکھ کر ایسا لگتا ہے جیسے وہ ایک باہمت اور حوصلہ مند خاتون ہیں جو اپنی تمام پریشانیوں کا سامنا کرنے کیلئے ہر وقت تیار رہتی ہیں ،لیکن ایسا ہے نہیں۔
ان کا بچپن بہت ہی مشکلوں بھرا تھا ،انہوں نے بھی اپنے بچپن میں والدین کے درمیان علیحدگی کا دکھ سہا ہے جس کے باعث وہ ایک نارمل بچپن گزار نہیں پائیں۔

اداکارہ نور

نور پاکستانی کی بہت خوبصورت اور با اخلاق اداکارہ ہیں ،لیکن ان کا بچپن اتنا خاص نہیں تھا انہوں نے بھی اوپر بیان کئے گئے اداکاروں کی طرح سوتیلے ماں باپ کو جھیلا ہے،جس کی وجہ سے ان کا بچپن شدید متاثر ہوا ہے۔

ذرائع ابلاغ کے مطابق وہ اپنے والدین سے اس حد تک غصہ تھیں کہ صرف انہیں پریشان کیلئے انہوں نے ہندوازم سے تعلق رکھنے والے شخص سے شادی کی۔

وقت کے ساتھ ان میں بہت سی تبدیلیاں آئیں ہیں اور انہوں نے خود کو کافی حد تک سنبھال لیا ہے اپنے شوہر سے علیحدگی کے بعد وہ ایک نارمل زندگی گزار رہی ہیں۔

آغا علی

پاکستان ٹی وی انڈسٹری کے مشہور ماڈل اور اداکار آغا علی کا بچپن بھی مصائب اور مشکلات سے بھرا ہوا ہے،ایک انٹرویو کے دوران آغا علی کا کہنا تھا کہ وہ پی ایچ ڈی کرنا چاہتے تھے لیکن بچپن کی پریشانیوں کے باعث کر نہ سکے، ان کے یہاں پیسوں کی بہت پرابلم تھی،پیسے کی کمی کے باعث وہ اپنا اعلیٰ تعلیم کا خو اب پورا نہ کرسکے ۔

کالکی کولچن

کالکی کولچن بھارتی فلم انڈسٹری کی معروف اداکارہ ہیں ان کا بچپن بھی مشکلات سے بھرپور تھا ،ان کا کہنا ہے کہ بچپن میں ان کے ساتھ برا سلوک ہوا تھا جس کی وجہ سے وہ کافی عرصہ تک ذہنی پریشانی میں مبتلا رہیں ،ان کا کہنا ہے کہ مجھے اپنے آپ کو سنبھالنے میں کافی وقت لگا،لیکن اب وہ سب کچھ بھلا کر اپنی زندگی میں آگے بڑھ چکی ہیں۔