ماہرہ خان کا شمار پاکستان کی صف اول کی اداکاراؤں میں ہوتا ہے، انہوں نے نہ صرف پاکستان بلکہ پڑوسی ملک بھارت میں بھی اپنے ہنر کا لوہا منواکر خوب محبتیں سمیٹیں۔

دو روز قبل ماہرہ نے امریکی شہر لاس اینجلس میں گزارے گئے دنوں کی تصاویر اپنے انسٹاگرام سے شیئر کیں جنہیں وہ یاد کرکے جذباتی ہوگئیں۔

ماہرہ خان نے کامیابی حاصل کرنے سے قبل خوب جدوجہد کی ہے، انہوں نے لاس اینجلس میں قیام کے دوران اپنی تعلیم کا خرچہ پورا کرنے کیلئے ملازمت کی۔

انسٹاگرام پر ماہرہ نے لاس اینجلس کی خوبصورت تصاویر شیئر کرتے ہوئے ماضی میں گزارے گئے دنوں کو یاد کیا اور لکھا اس جگہ جاتے ہوئے بہت عجیب احساس ہورہا ہے جہاں ایک وقت میں آپ کی زندگی گزررہی تھی۔

ماہرہ خان نے مزید لکھا کہ وہ بس اسٹینڈ جہاں بیٹھ کر آپ بس کا انتظار کرتے تھے، وہ گلیاں جہاں آپ چلے تھے، وہ جگہ جہاں آپ نے پہلی نوکری کی تھی، وہ دکانیں جنہیں دیکھ کر آپ سوچتے تھے کہ کیا آپ کا چیک آپ کو وہ لباس دلا سکتا ہے۔ لاس اینجلس ہمیشہ میرے خوابوں کا شہر رہے گا، لاس اینجلس مجھے تم سے پیار ہے۔

View this post on Instagram

‪It’s a strange feeling going to the places where your life existed at one point in time. The bus stand you sat and waited at, the streets you walked, the place which was your first job, the shops you stared at and wondered if your pay cheque could afford you that dress or the sky you looked up at and wished upon.. My LA, you will always be my city of dreams.. I love you 💘 P.S look at the sky in all its glory, kissing me goodbye’ #nofilter📷

A post shared by Mahira Khan (@mahirahkhan) on Jun 30, 2019 at 1:20am PDT

واضح رہے کہ ماہرہ خان پیدا تو کراچی میں ہوئیں تھیں مگر اعلیٰ تعلیم کے حصول کیلئے انہوں نے امریکی شہر لاس اینجلس کا رخ کیا جہاں انہوں نے اپنے اخراجات اٹھانے کیلئے ملازمت بھی کی۔