محمد حفیظ نے کورونا سے متعلق ٹویٹ کرکے غلطی کی
سابق کپتان انضمام الحق کہتے ہیں کہ کورونا ٹیسٹ کے متعلق محمد حفیظ نے ٹوئٹ کرکے غلطی کی۔ اس ٹویٹ کی وجہ سے پاکستان جگ ہسائی ہوئی، بھارت نے معاملے کو خوب اچھالا اور پی سی بی پر بھی تنقید کی۔
سابق کپتان نے مزید کہا کہ ٹیسٹ مثبت آنے پر کھلاڑیوں کو تنہا نہیں چھوڑنا چاہیے تھا، بورڈ اپنے میڈیکل اسٹاف کو بہتر بنائے۔
واضح رہے کہ پی سی بی کی جانب سے کرائی گئی کوویڈ 19 کی ٹیسٹنگ میں محمد حفیظ کی رپورٹ مثبت آئی تھی تاہم انہوں نے اگلے ہی روز ایک نجی لیبارٹری سے ٹیسٹ کروایا تو وہ رپورٹ منفی آگئی تھی۔
حفیظ نے رپورٹ ٹویٹ کرتے ہوئے لکھا تھا کہ پی سی بی کی ٹیسٹنگ کے بعد دل کو مطمئن کرنے کیلئے اہلخانہ کے ہمراہ کورونا کا ٹیسٹ کرایا جو منفی آیا ہے۔
یاد رہے کہ جب محمد حفیظ کا ٹیسٹ مثبت آیا تھا تو پاکستان کرکٹ بورڈ کی جانب سے انہیں قرنطینہ میں رہنے کی ہدایات دی گئی تھیں۔
Comments are closed on this story.