Aaj TV News

BR100 4,328 Decreased By ▼ -18 (-0.41%)
BR30 21,976 Decreased By ▼ -107 (-0.48%)
KSE100 41,701 Decreased By ▼ -105 (-0.25%)
KSE30 17,606 Decreased By ▼ -53 (-0.3%)
COVID-19 TOTAL DAILY
CASES 309,015 798
DEATHS 6,444 7

لاہور ہائیکورٹ نے چوہدری برادران کیخلاف ریفرنس فائل کرنے کیلئے نیب کو 4ہفتوں کی مہلت دیتے ہوئے رپورٹ طلب کرلی۔

جسٹس شاہد محمود عباسی کی سربراہی میں لاہور ہائیکورٹ کے 2رکنی بینچ نے چوہدری برادران کی چیئرمین نیب کے اختیارات کیخلاف درخواستوں پر سماعت کی۔

نیب پراسیکیوٹر نے عدالت کو آگاہ کیا کہ چوہدری پرویز الہی کیخلاف غیر قانونی تعیناتیوں کا ریفرینس چیئرمین نیب کو بھجوا دیا ہے، آمدن سے زائد اثاثہ جات انکوائری حتمی مراحل میں ہے۔

عدالت نے استفسار کیا کہ آپ کو ریفرنس فائل کرنے کیلئے کتنا وقت درکار ہوگا،جس پر نیب پراسیکیوٹر نے کہا کہ انہیں 6 ہفتوں کا وقت دیا جائے۔

عدالت نے ریفرنس دائر کرنے کیلئے نیب کو 4 ہفتوں کی مہلت دیتے ہوئے سماعت ملتوی کر دی۔

عدالت نے چوہدری برادران کیخلاف ریفرنس فائل کرنے کے حوالے سے رپورٹ طلب کرلی۔

چوہدری برادران نے نیب کی3انکوائریز کو چیلنج کر رکھا ہے اور مؤقف اختیار کیا ہے کہ نیب سیاسی انجینئرنگ کرنےوالا ادارہ ہے،نیب کے کردار اور تحقیقات کے غلط انداز پر عدالتیں فیصلے بهی دے چکی ہیں،چیئرمین نیب کو 20 سال پرانی انکوائری دوبارہ کهولنے کا اختیار نہیں۔