Aaj TV News

BR100 4,445 Increased By ▲ 25 (0.56%)
BR30 22,731 Increased By ▲ 119 (0.53%)
KSE100 42,505 Increased By ▲ 170 (0.4%)
KSE30 18,046 Increased By ▲ 102 (0.57%)
COVID-19 TOTAL DAILY
CASES 288,047 747
DEATHS 6,162 9

اسلام آباد ہائیکورٹ نے پی ٹی وی کے چیئرمین ارشد خان کی تقرری کو غیرقانونی قرار دیتے ہوئے کالعدم قرار دے دیا۔

اسلام آباد ہائیکورٹ کے جسٹس محسن اختر کیانی نے پی ٹی وی میں غیرقانونی تعیناتیوں کخلا ف درخواست پر فیصلہ سنایا ۔

عدالت نے چیئرمین پی ٹی وی ارشد خان اور پی ٹی وی بورڈ آف ڈائریکٹرز میں شامل انڈی پینڈنٹ ڈائریکٹرز کی تعیناتیاں غیر قانونی قراردے دیں جبکہ حکومت کی جانب سے تعینات بورڈ ڈائریکٹرز کی تعیناتی بھی غیر قانونی قرار د ے دی گئیں۔

عدالت نے ایم ڈی پی ٹی وی عامر منظور کی تعیناتی اور چیف نیوز اینڈ کرنٹ افیئرز قطرینہ حسین کی تقرری کو درست قرار دیا ۔

اسلام آباد ہائیکورٹ نے وفاقی حکومت کو قانون کے مطابق تعیناتیاں کرنے کی ہدایت کرتے ہوئے کہا کہ بورڈ آف ڈائریکٹرز کے فیصلوں کو قانونی تحفظ حاصل ہو گا۔

عدالت نے اپنے فیصلے میں ارشد خان کو آئندہ کسی عہدے پر تعینات نہ کرنے کا حکم دیتے ہوئے کہا کہ وفاقی حکومت قانون کے مطابق تعیناتیاں کرے۔