Aaj TV News

COVID-19 TOTAL DAILY
CASES 324,744 667
DEATHS 6,692 19

اسلام آباد:چیئرمین سی پیک اتھارٹی عاصم سلیم باجوہ نے ریکو ڈیک کیس میں عالمی بینک ٹربیونل کے فیصلہ کو پاکستان کیلئے بڑا ریلیف قرار دے دیا۔

چیئرمین سی پیک اتھارٹی لیفٹیننٹ جنرل (ر)عاصم سلیم باجوہ نے سماجی رابطے کی ویب سائٹ ٹوئٹر پر اپنے ٹویٹ میں کہا کہ عالمی بینک ٹربیونل کا ریکو ڈیک کیس میں پاکستان کے حق میں فیصلہ بڑا ریلیف ہے، ٹربیونل نے پاکستان کو 6ارب ڈالر کا جرمانہ ادا کرنے سے روک دیا ہے۔

عاصم سلیم باجوہ کا مزیدکہنا تھا کہ وزیراعظم نے بلوچستان حکومت کو کان کنی کے فروغ کیلئے ہدایات دی ہیں، کان کنی کی ترقی اور منظم انداز میں امور کی انجام دہی کیلئے اقدامات کئے جا رہے، اصلاحات سے مقامی سرمایہ کاری اور یومن ریسورس فروغ پائے گا۔