اسلام آباد: وفاقی وزیر تعلیم شفقت محمود کا کہنا ہے کہ جس ٹائم ٹیبل کا اعلان کرچکے ہیں اس میں کوئی تبدیلی نہیں، چھٹی سے آٹھویں کی کلاسز کا آغاز 23 سمبر سے ہی ہوگا۔

تفصیلات کے مطابق وفاقی وزیر تعلیم نے سماجی رابطے کی ویب سائٹ پر ٹویٹ کرتے ہوئے واضح کیا ہے کہ اگر یہی صورتحال رہی تو 23 ستمبر سے چھٹی تا آٹھویں کی کلاسز نہ شروع کرنے کا کوئی جواز نہیں ہے۔

انہوں نے مزید کہا کہ یہ ٹائم ٹیبل صوبائی وزراء تعلیم کی میٹنگ کے بعد طے ہوا تھا، حتمی فیصلے کیلئے 22 ستمبر کو این سی او سی کی میٹنگ ہوگی۔

واضح رہے کہ ملک میں کورونا کیسز میں ایک بار پھر اضافے کے سبب آج سندھ حکومت نے چھٹی سے آٹھویں جماعت کا تدریسی عمل بحال کرنے کا فیصلہ موخر کردیا ہے۔