پیپلزپارٹی کی رہنما شیری رحمان نے شیخ رشید کے بیان کو مسترد کردیا کہتی ہیں آرمی چیف سے ملاقات میں نیب یا کیسز پر کوئی بات نہیں ہوئی ۔

شیری رحمان آج نیوز کے پروگرام فیصلہ آپکا میں گفتگو کررہی تھیں۔

شیری رحمان نے کہا کہ ہمیں قومی سلامتی پر ملاقات کا کہہ کر بلایا گیا ۔ جو ملاقات وزیراعظم ہاؤس میں ہونی تھی وہ کہیں اور ہوئی ۔

انہوں نے مزید کہاک ہ سربراہی بھی عمران خان کی جگہ آرمی چیف جنرل باجوہ نے کی۔ ان کاکہنا تھا کہ آرمی چیف سے ملاقات میں نیب یا کیسز پر کوئی بات نہیں ہوئی۔

دوسری جانب آرمی چیف جنرل قمرجاوید باجوہ سےگزشتہ ہفتے پارلیمنٹیرین نےملاقات کی۔ ملاقات میں ڈی جی آئی ایس آئی نے بھی شرکت کی۔

ذرائع کے مطابق عسکری قیادت نے واضح کیا کہ فوج ہمیشہ سیاسی حکومتوں کی معاونت کرتی ہے۔ آرمی چیف قمرجاوید باجوہ سے پارلیمانی رہنماؤن نے ملاقات کی جس میں ڈی جی آئی ایس آئی لیفٹیننٹ جنرل فیض حمید بھی شریک تھے۔

ذرائع کے مطابق پارلیمنٹیرین سے ملاقات گزشتہ ہفتے ہوئی۔ ملاقات میں گلگت بلتستان کے انتظامی اموراورآئینی اصلاحات پربات چیت ہوئی۔

ذرائع کے مطابق عسکری قیادت نے واضح کیا کہ انتخابی معاملات سے انکا کوئی تعلق نہیں۔فوج ہمیشہ سیاسی حکومتوں کی معاونت کرتی ہے۔فوج کا انتخابی اصلاحات،نیب اور سیاسی معاملات سے کوئی تعلق نہیں ۔