کورونا ویکسین کے کلینیکل ٹرائل کے تیسرے مرحلے کا آغاز پاکستان میں ہوگیا، چین کا تعاون شامل، 40 ہزار افراد میں 10 ہزار پاکستانی ہونگے۔ این سی او سی نے بڑی کامیابی قرار دے دیا، اسد عمر کہتے ہیں ٹیسٹ کے ابتدائی نتائج میں 4 سے 6 ماہ متوقع ہیں۔

پاکستان کیلئے اہم کامیابی، کورونا ویکسین کیسینو کے کلینیکل ٹرائل کا تیسرا مرحلہ شروع ہوگیا۔ پہلا اور دوسرا مرحلہ چین میں جبکہ تیسرا پاکستان میں ہورہا ہے۔

معاون خصوصی صحت ڈاکٹر فیصل سلطان نے بڑی کامیابی قراردیتے ہوئے بتایا کہ ویکسین کا ٹرائل صحت کے نظام میں بہتری کیلئے بھی اہم ہے، ویکسین کے کلینکل ٹرائل چین کے تعاون سے شروع کیا گیا۔

ایگزیکٹو ڈائریکٹر این آئی ایچ نے ٹرائل کے مراحل اور ویکسین سے متعلق اگاہ کیا۔

وفاقی وزیر اسد عمر نے اپنے ٹویٹ میں کہا کہ کوویڈ 19 ویکسین کے ٹرائل کیلئے 7 ممالک کے 40 ہزار افراد شریک ہوںگے۔ جن میں 8 سے 10 ہزار پاکستانی ہوںگے۔