کراچی کے علاقے شفیق کالونی سے 8سالہ بچے کی کپڑے میں لپٹی لاش برآمدہوئی ہے،بچے کی شناخت محمد حارث کے نام سے ہوئی، پولیس نے مشتبہ شخص سمیع اللہ کو حراست میں لے لیا۔

کراچی کے علاقے شفیق کالونی کا رہائشی 8سالہ حارث گزشتہ شام لاپتہ ہوا ،اہل خانہ تلاش میں تھے کہ رات گئے علاقہ مکینوں نے ایک شخص کو حارث کی لاش لے جاتے دیکھا تو اسے پکڑ کر پولیس کے حوالے کردیا۔

ملزم کی شناخت سمیع اللہ کے نام سے کی گئی جو حارث کا پڑوسی بھی رہ چکا ہے، بچے کی لاش عباسی شہید اسپتال منتقل کی گئی جہاں پوسٹ مارٹم مکمل کرلیا گیا۔

اسپتال ذرائع کا کہنا بچے سے زیادتی اوروجہ موت کی تصدیق کیلئے کیمیکل ایگزامن کیلئے نمونے محفوظ کرکے لیبارٹری بھجوادیئے گئے ہیں۔

اسپتال میں ضابطے کی کارروائی مکمل ہونے پر بچے کی لاش تدفین کیلئے ورثاء کے حوالے کردی گئی۔