کراچی میں بجلی کے بعد گیس لوڈشیڈنگ کا بحران بھی شدت اختیار کرگیا، شہر کے مختلف علاقوں میں گیس کا پریشر کم ہونے سے عوام پریشان ہیں۔

شہری کہتے ہیں صبح ہو یا شام گیس کا پریشر کم ہونے سے کھانا پکانا مشکل ہوگیا۔

مجاہد کالونی کراچی کی رہائشی صدیقہ بی بی بار بار چولہا جلانے کی کوشش کر رہی ہیں۔ تاکہ کھانا بناسکیں۔ کیونکہ صبح گھر والے بغیر ناشتے کام کیلئے گئے تھے۔

شہر کے مختلف علاقوں کی تقریبا یہی صورتحال ہے۔ گیس آتی نہیں، اور اگر آبھی جائے تو پریشر نہیں۔ خواتین کو دن اور رات کے کھانے کیلئے صبح ہی تیاری کرنا ہوتی ہے۔

سوئی سدرن گیس کمپنی کو اس وقت ایک سو پچاس ایم ایم سی ایف ڈی شارٹ فال کا سامنا ہے۔

جس کے باعث نہ صرف گھریلو بلکہ سی این جی اور صنعتی صارفین مشکلات سے دوچار ہیں۔