متحدہ اپوزیشن نے حکومت مخالف تحریک کو آگے بڑھانے کےلئے پی ڈی ایم کی اسٹیرنگ کمیٹی تشکیل دینے اورگیارہ اکتوبرکوکوئٹہ میں پہلے جلسے کا اعلان کردیا ۔ احسن اقبال پہلے ماہ کیلئے سٹیئرنگ کمیٹی کے کنویئنرنامزد ہوگئے ۔

اپوزیشن جماعتوں کے اتحاد پی ڈی ایم کا پہلا اجلاس اسلام آباد میں ہوا ۔ ن لیگ ، پیپلزپارٹی ، جے یو آئی سمیت گیارہ جماعتوں کے نمائندے شریک ہوئے ۔

میڈیا سے گفتگو میں شاہد خاقان عباسی نے کہاکہ ایک تنظیمی ڈھانچہ پارٹی قائدین کوبھیجا جائے گا اورتحریک کو اسی ہفتے مکمل کیا جائے گا ۔

راجہ پرویزاشرف نے کہاکہ اپوزیشن لیڈرکی گرفتاری سے جمہوری ادارے کمزورہونگے ۔ پی ڈی ایم 11 اکتوبرکوکوئٹہ میں جلسہ منعقد کرے گا ۔

مولانا عبدالغفورحیدری نے کہا کہ نیب صرف اپوزیشن رہنماؤں کو تنگ اورگرفتارکررہی ہے ،ناجائز دباؤکو قبول نہیں کرینگے۔

پی ڈی ایم کی سٹیرنگ کمیٹی کے کنوینر احسن اقبال ہونگے ۔ شاہد خاقان عباسی ، راجہ پرویزاشرف ، یوسف رضا گیلانی ،غفورحیدری ،اکرم درانی ، عثمان کاکڑ، جہانزیب جمالدینی، میاں افتخار سٹیرنگ کمیٹی میں شامل ہیں ۔