کراچی سمیت سندھ بھر میں چہلم امام حسین پر موٹر سائیکل کی ڈبل سواری پر پابندی عائد کردی گئی۔

تفصیلات کے مطابق حکومتِ سندھ نے چہلم امام حسین پر صوبے بھر میں موٹر سائیکل کی ڈبل سواری پر پابندی کا اعلان کیا ہے، محکمہ داخلہ سندھ نے نوٹیفکیشن جاری کردیا۔

نوٹیفکیشن کے مطابق 9 اکتوبر کو چہلم امام حسین کے موقع پر صوبے میں ڈبل سواری پر پابندی ہوگی، نوٹیفکشن میں کہا گیا ہے کہ پاکستان رینجرز کی رپورٹ کی روشنی میں پابندی عائد کی گئی ہے۔

نوٹیفکیشن کے مطابق بزرگ شہری، صحافی، پولیس سمیت قانون نافذ کرنے والے اہلکار پابندی سے مستثنیٰ ہونگے۔