Aaj TV News

BR100 4,730 Decreased By ▼ -34 (-0.7%)
BR30 20,317 Decreased By ▼ -354 (-1.71%)
KSE100 45,578 Decreased By ▼ -243 (-0.53%)
KSE30 17,872 Decreased By ▼ -134 (-0.75%)
COVID-19 TOTAL DAILY
CASES 1,267,393 567
DEATHS 28,344 16
Sindh 466,945 Cases
Punjab 438,636 Cases
Balochistan 33,159 Cases
Islamabad 106,615 Cases
KP 177,240 Cases

پاکستانی اداکارہ حرا مانی کی نئی تصویر نے ایک مرتبہ پھر سوشل میڈیا صارفین کی توپوں کا رخ اپنی طرف کروالیا ہے، جبکہ ایک صارف نے تو اداکارہ کو "منحوس" قرار دیدیا۔

حرا مانی سوشل میڈیا پر کافی ایکٹو رہتی ہیں اور گاہے بگاہے اپنے مداحوں کو اپنی چلبلی حرکتوں کی وجہ سے انٹرٹین بھی کرتی دکھائی دیتی ہیں۔

حرا مانی نے حال ہی میں انسٹاگرام پر اپنی ایک تصویر پوسٹ کی تھی جس میں انہوں نے کافی چست اور بولڈ لباس پہن رکھا تھا۔ حرامانی کو یہ لباس پہن کر تصویر شیئر کرنا کافی مہنگی پڑ گئی تھی۔

اداکارہ نے اپنی تصویر پر صارفین کی تنقید کو کھلے دل سے قبول کرتے ہوئے خاموشی اختیار کی اور کسی قسم کا کوئی ردعمل جاری نہیں کیا تھا۔

اداکارہ نے اپنی تازہ ترین تصویر شیئر کی تو اس پر بھی سوشل میڈیا صارفین نے تنقید کے نشتر برسانا شروع کردیئے، تاہم اس دفعہ اداکارہ کے صبر کا پیمانہ لبریز ہوگیا اور انہوں نے تنقید کرنے والوں کو کرارا جواب دیا۔

حرا مانی نے انسٹاگرام پر اپنی تصویر شیئر کی جس میں انہوں نے بچوں کی طرح منہ بسورا ہوا ہے اور انہوں نے ساتھ میں کیپشن لکھا کہ 'جب مجھے سیٹس پہ ابراہیم یاد آتا ہے تو میں ایسی حرکتیں کرتی ہوں۔'

A photo posted by Instagram (@instagram) on

اداکارہ کی تصویر پر عائشہ چوہدری نے کمنٹ کرتے ہوئے لکھا کہ 'یار بے سُری لگ رہی ہو.'

جس کا کرارا جواب دیتے ہوئے اداکارہ حرا مانی نے کہا کہ 'ہاہاہا۔۔۔ بہت اچھا کچھ کہنے کو نہیں تھا تو ایسی بات کی جس کا تُک ہی نہیں بنتا۔‘

ثاقب آفریدی نامی صارف نے تو اداکارہ کو منحوس ہی قرار دیدیا اور لکھا کہ 'توبہ توبہ، مت کرو بہت منحوس لگ رہی ہو ۔۔۔ سارا موڈ خراب کردیا۔' اور ساتھ رونے والا ایموجی بھی شیئر کیا۔

تنقید کرنے والوں کے علاوہ اکثریت ان لوگوں کی تھی جنہوں نے اداکارہ کی معصومیت اور شرارتی پن والی تصویر کو سراہا اور خوب تعریف بھی کی۔