Aaj TV News

BR100 4,131 Increased By ▲ 20 (0.48%)
BR30 20,689 Increased By ▲ 67 (0.32%)
KSE100 39,863 Increased By ▲ 231 (0.58%)
KSE30 16,752 Increased By ▲ 58 (0.35%)

سعودی عرب میں نوجوانوں نے دماغی اشاروں کی مدد سے انٹرنیٹ استعمال کرنے کا خصوصی آلہ تیار کرکے دنیا کو حیرت میں مبتلا کردیا ہے۔

عرب میڈیا کی رپورٹ کے مطابق دماغ کے اشاروں سے کام کرنے والا یہ آلہ معذور افراد کیلئے ایجاد کیا گیا ہے جو دماغی اشاروں کے ذریعے انٹرنیٹ اور سوشل میڈیا بھی استعمال کرسکیں گے۔

رپورٹ کے مطابق چار سعودی نوجوانوں نے معذور افراد کیلئے انٹرنیٹ استعمال کرنے کا خصوصی آلہ ایجاد کیا۔

ہیلمٹ نما یہ آلہ سر پر پہن کر استعمال کیا جائے گا، مکمل معذوری کے شکار افراد انٹرنیٹ کا استعمال دماغ کے اشاروں سے کر سکیں گے۔

سعودی عرب میں گورنر عسیر ریجن شہزادہ ترکی بن طلال کی سربراہی میں منعقد ہونے والے آن لائن کانفرنس میں آلے کی رونمائی ہوئی ہے، شرکا نے اس منفرد ایجاد پر نوجوانوں کی تعریف کی۔

یہ آلہ دماغ کے اشارے پڑھنے کی استطاعت رکھتا ہے نیز ان کی بنیاد پر انٹرنیٹ کا استعمال کرتا ہے، اس آلے کی مدد سے مکمل معذوری کے شکار افراد سوشل میڈیا کا بھی استعمال کرسکتے ہیں۔