کرائسٹ چرچ: نیوزی لینڈ میں کورونا قوانین کی خلاف ورزی پر ویسٹ انڈیز کی ٹیم کو کرائسٹ چرچ میں ٹریننگ کرنے سے روک دیا گیا۔

وزارتِ صحت کے مطابق کھلاڑیوں نے کھانا کھانے کے دوران قوانین کی خلاف ورزی کی جس کے باعث اب اُنہیں دوبارہ آئسولیشن میں جانا پڑے گا۔

وزارتِ صحت نے مزید کہا کہ آئسولیشن میں ان کھلاڑیوں کے دوبارہ ٹیسٹ لئے جائیں گے اور رپورٹ منفی آنے کی صورت میں ہی اِنہیں پریکٹس کی اجازت ملے گی۔