Aaj.tv Logo

اسلام آباد:وزیراعظم عمران خان نے کہا ہے کہ تاریخ گواہ ہے اخلاقی گراوٹ اور بدعنوانی نے ریاستوں کو تباہ کر دیا، اخلاقی اقدار کے بغیر ریاستیں انصاف فراہم نہیں کرسکتی، ریاستیں اخلاقی اقدار کھو دیں تو طاقتور مجرموں کے ساتھ این آر او جیسے معاہدوں کا سہارا لیا جاتا ہے۔

وزیراعظم عمران خان نے سماجی رابطے کی ویب سائٹ ٹوئٹر پر جاری اپنے بیان میں کہاکہ ہمارے رسول اکرم ﷺنے فرمایا کہ ہم سے پہلے بہت سی قومیں تباہ ہوئیں، قوموں کی تباہی کا سبب طاقتور اور کمزور کیلئے مختلف قوانین ہونا تھے۔

وزیراعظم نے مزید کہا کہ تاریخ گواہ ہے اخلاقی گراوٹ اور بدعنوانی نے ریاستوں کو تباہ کر دیا، اخلاقی اقدار کے بغیر ریاستیں انصاف فراہم نہیں کرسکتی، انصاف اور قانون کی حکمرانی کے بغیر ریاستیں ٹوٹ پھوٹ کا شکار ہو جاتی ہیں۔

عمران خان نے مزید کہا کہ ریاستیں اخلاقی اقدار کھو دیں تو طاقتور مجرموں کے ساتھ این آراو جیسے معاہدوں کا سہارا لیا جاتا ہے،سینیٹ انتخابات سےظاہرہواکہ ہم اخلاقی تنزلی کاشکارہیں۔