Aaj TV News

BR100 4,570 Decreased By ▼ -108 (-2.31%)
BR30 17,697 Decreased By ▼ -927 (-4.98%)
KSE100 44,833 Decreased By ▼ -674 (-1.48%)
KSE30 17,652 Decreased By ▼ -274 (-1.53%)
COVID-19 TOTAL DAILY
CASES 1,338,993 5,472
DEATHS 29,037 8
Sindh 509,308 Cases
Punjab 455,499 Cases
Balochistan 33,744 Cases
Islamabad 112,557 Cases
KP 182,619 Cases

راولپنڈی :چیئرمین جوائنٹ چیفس آف اسٹاف کمیٹی جنرل ندیم رضا نے عراق کا سرکاری دورہ کیا، جہاں انہوں نے عراقی وزیر دفاع ، چیف آف اسٹاف اور کمانڈر ایئرفورس سے ملاقاتیں کیں، جس میں دوطرفہ فوجی تعاون بڑھانے پر اتفاق ہوا۔

پاک فوج کے شعبہ تعلقات عامہ (آئی ایس پی آر )کے مطابق چیئرمین جوائنٹ چیفس آف اسٹاف کمیٹی جنرل ندیم رضا نے عراق کا سرکاری دورہ کیا، وزارت دفاع آمد پر چیئرمین جوائنٹ چیفس آف اسٹاف کمیٹی جنرل ندیم رضا کو گارڈ آف آنر پیش کیا گیا ۔

دورے کے دوران جنرل ندیم رضا نے عراقی وزیر دفاع کے علاوہ عراقی چیف آف اسٹاف جنرل عبدالامیر رشید اور کمانڈر ایئرفورس لیفٹننٹ جنرل شہاب علی سے بھی الگ الگ ملاقاتیں کیں۔

ملاقاتوں کے دوران مختلف شعبوں میں باہمی دلچسپی کے امور، سیکیورٹی اور دفاعی تعاون بڑھانے سمیت خطے کی صورتحال پر بات چیت ہوئی، دوطرفہ فوجی تعاون سمیت تعلقات بڑھانے پر تبادلہ خیال کیا گیا۔

آئی ایس پی آر کے مطابق جنرل ندیم رضا نے ڈیفنس یونیورسٹی برائے ملٹری اسٹیڈیز کا بھی دورہ کیا، جہاں انویں نے ریکٹر یونیورسٹی لیفٹننٹ جنرل سعد ہاشمی سے ملاقات کی۔

جنرل ندیم رضا نے انتہا پسندی کیلئے پاکستان کے کردار پر روشنی ڈالی، خطے میں امن و استحکام خصوصا افغانستان کیلئے اٹھائے جانے والے اقدامات سے بھی آگاہ کیا۔