لیگی رہنما خرم دستگیر نے کہا ہے کہ پنجاب میں ہمارےپاس166ارکان موجودہیں، نوازشریف کےحکم پرحکومت تبدیل کرینگے۔

آج نیوز کے پروگرام فیصلہ آپ کا میں بات چیت کرتے ہوئے خرم دستگیر نے کہا کہ پی ڈی ایم اسٹیبلشمنٹ کی مداخلت کیخلاف بناتھا،

انہوں نے مزید کہا کہ فیصلہ ہوگا کہ پی ڈی ایم کےکیسےآگےلےکرچلناہے، پی ڈی ایم میں عہدوں کی وجہ سےہی تلخی ہوئی۔

خرم دستگیر نے مزید کہا کہ تمام پی ڈی ایم جماعتوں نےملکریوسف رضاگیلانی کوکامیاب کرایا، سب کوملکرمعاملےکوآگےلےکرچلناچاہئے۔

انہوں نے دعویٰ کیا کہ حکومت ہرسطح پر ناکام ہوچکی ہے، عمران خان اورٹیم ملک چلانےکےقابل نہیں ہے۔ اس موقعے پر پی پی رہنما شازیہ مری نے کہا کہ 11جماعتیں تھی،غلط فہمیاں ہوجاتی ہیں۔

شازیہ مری نے مزید کہا کہ ہم سب کا بنیادی ہدف نااہل حکومت کوہٹانا ہے، پی ڈی ایم ٹوٹی نہیں ہے،ابھی بھی پرامیدہوں۔

شازیہ مری کا کہنا تھا کہ ہم نےاستعفوں کی مخالفت نہیں کی تھی، ہماری نظرمیں استعفےآخری آپشن ہوناچاہئے۔

انہوں نے مزید کہا کہ کچھ معاملات میں سمجھوتا ممکن نہیں ہوتا، ن لیگ کویوسف رضاگیلانی پرغورکرناچاہئےتھا۔