Aaj TV News

BR100 4,617 Increased By ▲ 7 (0.15%)
BR30 17,726 Increased By ▲ 106 (0.6%)
KSE100 45,083 Increased By ▲ 128 (0.28%)
KSE30 17,828 Increased By ▲ 90 (0.51%)
COVID-19 TOTAL DAILY
CASES 1,402,070 8,183
DEATHS 29,192 30
Sindh 535,965 Cases
Punjab 471,925 Cases
Balochistan 34,187 Cases
Islamabad 123,648 Cases
KP 189,300 Cases

راولپنڈی :وفاقی وزیرداخلہ شیخ رشید احمد کا کہنا ہے کہ آزادکشمیر الیکشن میں بلاول بھٹو اور مریم نوازکو شکست ہوگی،الیکشن میں فتح عمران خان کا مقدر ہے۔

راولپنڈی میں میڈیا سے گفتگو کرتےہوئے وزیرداخلہ شیخ رشید نے کہا کہ مریم نواز اوربلاول بھٹو بیہودہ زبان استعمال کررہے ہیں،دونوں جانتے ہیں کہ وہ الیکشن ہارنے جارہے ہیں،آزادکشمیرالیکشن میں عمران خان کی فتح یقینی ہے،مریم غیرذمہ دارانہ زبان استعمال کر رہی ہیں،مریم نواز کو اپنے لہجے پر غور کرنا چاہیئے،مریم نوازذمہ داری کا مظاہرہ کریں۔

وفاقی وزیرداخلہ کا کہنا تھا کہ پاکستان میں صرف 2چیزیں قومی ہیں، ایک تحریک انصاف قومی جماعت ہے اور دوسری پاک فوج قومی ہے،ساری اپوزیشن جماعتیں اور قوم فوج کے ساتھ ہیں،قوم ملک کی سلامتی کیلئے فوج اور عمران خان کے پیچھے کھڑی ہے۔

بلاول بھٹو زرداری کے حالیہ دورہ امریکا پر شیخ رشید نے کہا کہ بلاول بھٹوکی سی وی میں کچھ بھی نہیں ہے ،ان کی سی وی میرےپاس ہے،بلاول بھٹو ان کے دل کا جانی اور سیاست کی رونق ہے۔

شیخ رشید نے مزیدکہا کہ الینشک میں دھاندلی کا شور شورمچایاجارہاہے،25جولائی کو بلےکےووٹ زیادہ نکلیں گے ، عمران خان دنیا میں کشمیر کا کیس لڑے گا۔